​ពលរដ្ឋភ្ញាក់ផ្អើលឈូឆរ​ទៅមើលត្រីនាគ​ងាប់អណ្ដែត​ទឹក​នៅមុខប្រាសាទអង្គរវត្ត​

​ប្រជាពលរដ្ឋភ្ញាក់ជាច្រើនបានភ្ញាក់ផ្អើលឈូឆរ​ទៅមើលត្រីនាគ​ងាប់អណ្ដែត​ទឹកនៅក្នុងកសិន្ធ​ខាងមុខប្រាសាទអង្គរវត្ត​។ ប្រភពព័ត៌មានពីប្រជាពលរដ្ឋម្នាក់ឈ្មោះ សេម ចន្ថា ប្រាប់កម្ពុជាថ្មីថា ត្រីហ្នឹងងាប់អណ្ដែតឡើងនៅក្នុងកសិន្ធទឹកអង្គរ ត្រូវបានប្រទះឃើញដោយអ្នកសម្អាតស្មៅហើយក៏សែងយកមកលើគោកធ្វើឲ្យមនុស្សផ្អើលឈូឆរទៅមើល។

ប្រភពព័ត៌មានអ្នករស់នៅទីនោះប្រាប់ថា ត្រីនាគប្រភេទនេះរស់នៅក្នុងកសិណទឹកអង្គរនេះ មាន១គូ ឥឡូវងាប់១ នៅសល់១ ដោយគេធ្លាប់ឃើញត្រីនេះផុសឡើងម្ដងម្កាល។ ហើយថា ករណីងាប់នេះ ទំននងដោយសារត្រីដល់អាយុដែលត្រូវងាប់ ខណៈទំហំធំខ្លួនមនុស្សពីរដងបានស្មើត្រីនេះមួយ។

ទោះយ៉ាងណា មិនទាន់មានការបញ្ជាក់ពីអាជ្ញាធរនៅឡើយជុំវិញករណីនេះ៕