សន្តិសុខសង្គម
បុរសម្នាក់ បើករថយន្តស្លាកលេខនគរបាល ទៅបុកបង្គោលដែក និងកង់បីឥណ្ឌា រួចបន្តទៅបុករបងផ្ទះពលរដ្ឋ ថែមទៀត
បុរសម្នាក់សង្ស័យស្រវឹង បានបើករថយន្ត Lexus Rx 330 ពាក់ស្លាកលេខនគរបាលមួយគ្រឿង ធ្វើដំណើរក្នុងល្បឿនលឿន ជ្រុលទៅបុករះបង្គោលដែកដាក់ច្រវ៉ាក់រងការខូចខាត និងបន្តទៅបុកកង់បីឥណ្ឌាមួយគ្រឿងទៀត បណ្ដាលឲ្យបុរសម្នាក់រងរបួសធ្ងន់ ហើយរថយន្តបង្កបន្តទៅបុករបងផ្ទះប្រជាពលរដ្ឋរងការខូចខាត ទើបធ្វើឲ្យរថយន្តដាច់កាឡេកង់មុខម្ខាង ទៅមុខលែងរួច។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១១ និង ៣០នាទីយប់ថ្ងៃទី ៧ ខែវិច្ឆិកា ឆ្នាំ ២០២២ ស្ថិតនៅតាមបណ្ដោយផ្លូវជាតិលេខ ២ ត្រង់ចំណុចរង្វង់មូលតាខ្មៅ ក្រុងតាខ្មៅ ខេត្តកណ្ដាល។

តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញរថយន្តមួយគ្រឿងម៉ាក Lexus RX330 ពណ៌ស ពាក់ស្លាកលេខនគរបាល 2-8768 បើកដោយបុរសម្នាក់សង្ស័យស្រវឹងធ្វើដំណើរក្នុងទិសដៅពីជើងទៅត្បូងក្នុងល្បឿនលឿន ខណៈមកដល់ចំណុចកើតហេតុខាងលើ បានបុករះបង្គោលដាក់ច្រវ៉ាក់នៅចិញ្ចើមផ្លូវបាក់អស់ ៥ដើម និងបន្តទៅបុកកង់បីឥណ្ឌា ដែលចតលើចិញ្ចើមផ្លូវប៉ើងទៅផ្ទប់នឹងរបងសាលាដំបូងខេត្តកណ្ដាល បណ្ដាលឲ្យម្ចាស់កង់បីរងរបួសធ្ងន់។

ភ្លាមៗនោះ អ្នកបើករថយន្តបង្កហេតុមិនព្រមឈប់ទទួលខុសត្រូវនោះទេ គឺបានបើកថយក្រោយ រួចបន្តដំណើររហូតដល់ភូមិស្ទឹងជ្រៅ សង្កាត់ដើមមៀន ក្រុងតាខ្មៅ ក៏ជ្រុលទៅបុករបងផ្ទះប្រជាពលរដ្ឋរងការខូចខាត ហើយរថយន្តដាច់កង់មុខម្ខាងទៅលែងរួច ទើបតៃកុងរថយន្តបង្កបានចុះរត់គេចខ្លួនបាត់ស្រមោលទៅ។ ក្រោយកើតហេតុ សមត្ថកិច្ចជំនាញចរាចរណ៍ក្រុងតាខ្មៅ បានចុះមកធ្វើការវាស់វែងស្ទួចយករថយន្តបង្ក និងកង់បីដែលរងការខូចខាតទៅរក្សាទុក រង់ចាំឲ្យម្ចាស់រថយន្តបង្កចូលខ្លួនមកដោះស្រាយតាមច្បាប់៕
អត្ថបទ៖ សុខា





-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៤ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?