សន្តិសុខសង្គម

ឃាត់ខ្លួនក្រុមញៀនល្បែងជល់មាន់ ០៦ នាក់

បានផុស

២ years មុន

នៅ

ថ្ងៃចន្ទ ២១ វិច្ឆិកា ២០២២

ដោយ

ក្រុមអ្នកញៀនល្បែងជល់មាន់ ចំនួន ០៦ នាក់ ត្រូវបានកម្លាំងនគរបាលស្រុកថ្ពងបង្ក្រាប ដោយឃាត់ខ្លួន រួចកសាងសំណុំរឿងដើម្បីបញ្ជូនទៅកាត់តុលាការអនុវត្តតាមនីតិវិធីច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលផ្នែកព្រហ្មទណ្ឌ បានឲ្យដឹងថា កាលពីរសៀលថ្ងៃទី ២០ ខែវិច្ឆិកា ឆ្នាំ ២០២២ ម្សិលមិញនេះ មន្ត្រីជំនាញ បានចុះបង្ក្រាបល្បែងបញ្ជល់មាន់ នៅចំណុចភូមិត្បែង ឃុំរុងរឿង ស្រុកថ្ពង ខេត្តកំពង់ស្ពឺ ដោយឃាត់ខ្លួនមនុស្សចំនួន ០៦ នាក់ និងសម្ភារៈមួយចំនួនជាច្រើនទៀត។

នគរបាលបានបន្តទៀតថា ក្រុមអ្នកញៀនល្បែងជល់មាន់ទាំង ០៦ នាក់ រួមមាន ៖

ទី១-ឈ្មោះ ហ៊ុល ដុក ភេទប្រុស អាយុ ៦៨ ឆ្នាំ នៅភូមិរូង ឃុំយុទ្ធសាមគ្គី ស្រុកឧដុង្គ។

ទី២-ឈ្មោះ ស្វាយ សល់ ភេទប្រុស អាយុ ៣៨ ឆ្នាំ នៅភូមិស្រះធុល ស្រុកឧដុង្គ។

ទី៣-ឈ្មោះ គ្រី សុភ្រ័ ភេទប្រុស អាយុ ៣៧ ឆ្នាំ នៅភូមិអភិវឌ្ឈន៍ ឃុំឈានឡើង ស្រុកសាមគ្គីមានជ័យ ខេត្តកំពង់ឆ្នាំង។

ទី៤-ឈ្មោះ អុន អេង ភេទប្រុស អាយុ ៤៨ ឆ្នាំ នៅភូមិក្រាំងស្លែង ឃុំព្រៃក្រសាំង ស្រុកឧដុង្គ។

ទី៥-ឈ្មោះ ញ៉ឹក សុធន់ ភេទប្រុស អាយុ ៣៣ ឆ្នាំ នៅភូមិត្រពាំងលាន ឃុំព្រៃក្រសាំង ស្រុកឧដុង្គ។

ទី៦-ឈ្មោះ ផន ផាត ភេទប្រុស អាយុ ៣០ ឆ្នាំ នៅភូមិរូង ឃុំយុទ្ធសាមគ្គី ស្រុកឧដុង្គ។

ចំពោះវត្ថុតាងដកហូតបានរួមមាន ៖ ម៉ូតូ ០៥ គ្រឿង , សង្វៀនកៅស៊ូរបាំងបញ្ជល់មាន់ ១ , ទ្រុងក្រង់មាន់ ១ , មាន់គក ០៣ ក្បាល។

បច្ចុប្បន្ន វត្ថុតាង និងក្រុមអ្នកជល់មាន់ ឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកថ្ពង ដើម្បីកសាងសំណុំរឿងតាមនីតិវិធី រួចបញ្ជូនបន្តចាត់ការតាមផ្លូវច្បាប់៕

អត្ថបទ ៖ ភួង រដ្ឋា