ឲ្យអ្នកជិតខាងកាប់រំលំដើមត្នោតដួលសង្កត់ស្ត្រីម្នាក់ស្លាប់ភ្លាមៗ

ស្ត្រីម្នាក់ត្រូវដើមដូងបាក់សង្កត់ស្លាប់ភ្លាមៗមួយរំពិកគួរសង្វេគ បន្សល់ទុកកូនប្រុស ស្រី៦នាក់រស់នៅកំព្រា។
ហេតុការនេះកើតឡើងនៅព្រឹកថ្ងៃទី២១ ខែវិច្ឆិកា ឆ្នាំ២០២២ ស្ថិតនៅចំណុចភូមិត្រពាំងអង្គ ឃុំព្រៃស្លឹក ស្រុកទ្រាំង ខេត្តតាកែវ ដែលស្ត្រីរងគ្រោះមានឈ្មោះ ច័ន្ទ ឃឿន អាយុ៥៥ឆ្នាំ មានទីលំនៅភូមិ ឃុំកើតហេតុខាងលើ។

តាមការឲ្យដឹងពីលោក សែម សាត ត្រូវជាប្តីបានបញ្ជាក់ថា មុនកើតហេតុ គឺគាត់ឲ្យអ្នកជិតខាងកាត់ដើមត្នោត ពេលដើមត្នោតដួលរលំទៅត្រូវដើមដូងមួយដើមទៀតបាក់សង្កត់ប្រពន្ធគាត់ដែលឈរមើលក្បែរស្លាប់តែម្តងទៅ។

សមត្ថកិច្ចប៉ុស្តិ៍នគរបាលរដ្ឋបាលឃុំព្រៃស្លឹកបញ្ជាក់ថា ស្ត្រីខាងលើពិតជាត្រូវដើមដូនបាក់សង្កត់លើបណ្តាលឲ្យស្លាប់ប្រាកដមែន។ បច្ចុប្បន្នក្រោយពិនិត្យរួច សពត្រូវបានសមត្ថកិច្ចប្រគល់ជូនសាច់ញាតិយកទៅធ្វើបុណ្យតាមប្រពៃណី៕

អត្ថបទ៖ វីរៈ