ប្អូនថ្លៃកើតជំងឺសសៃប្រសាទយកកាំបិតកាប់បងថ្លៃរបួសធ្ងន់

លោកវរសេនីយ៍ទោ លន ចន្ថា អធិការរងទទួលផែនព្រហ្មទណ្ឌស្រុកស្អាង បានប្រាប់អោយដឹងនៅរសៀលថ្ងៃទី២៦ ខែវិច្ឆិកា ឆ្នាំ២០២២នេះថា មូលហេតុដែលប្អូនថ្លៃ យកកាំប៉ិតកាប់បងថ្លៃនោះ គឺគ្មានមូលហេតុ ។ ដោយសារជនសង្ស័យជាប្អូនថ្លៃជាមនុស្សអត់គ្រប់ទឹក មានសំបុត្របើកថ្នាំសសៃរប្រសាទ ។ បន្ទាប់ពីជនសង្ស័យបានយកកាំប៉ិតកាប់ទៅលើបងថ្លៃរួចសមត្ថកិច្ចជំនាញបានចុះធ្វើការឃាត់ខ្លួនបានភ្លាមៗតែម្តង ។

ហេតុការណ៍នេះបានកេីតឡើងនៅថ្ងៃទី២៥ ខែវិច្ឆិកា ឆ្នាំ២០២២វេលាម៉ោង១៦និង៣០នាទីនៅចំណុចភូមិទួលស្ពឺ ឃុំតាលន់ស្រុកស្អាង ខេត្តកណ្តាល។

ជនរងគ្រោះឈ្មោះ យ៉ន សុខជា ភេទប្រុស អាយុ៣៩ឆ្នាំ ជនជាតិខ្មែរ មុខរបរកសិករ មានទីលំនៅភូមិទួលស្ពឺ ឃុំតាលន់ ស្រុកស្អាង ខេត្តកណ្តាល ត្រូវជាបងថ្លៃ (មានស្នាមរបួសក្បាលចំនួន០១កន្លែង និងស្មាខាងឆ្វេងចំនួន០២កន្លែងទៀត)។ជនសង្ស័យឈ្មោះ ប៉ាក់ សុខភេន ភេទប្រុសអាយុ២៣ឆ្នាំ ជនជាតិខ្មែរ មុខរបរមិនពិតប្រាកដមានទីលំនៅភូមិទួលស្ពឺ ឃុំតាលន់ ស្រុកស្អាង ខេត្តកណ្ដាល។

លោកអធិការរងបានបញ្ជាក់ថា នៅវេលាម៉ោងកេីតហេតុខាងលេី ជនរងគ្រោះបានជិះម៉ូតូឌុបប្រពន្ធមកជួយធ្វើម្ហូបនៅក្នុងកម្មវិធីបង្កក់កូនរបស់ឈ្មោះ គន្ធា ដែលត្រូវជាបងប្អូនហើយពេលនោះជនរងគ្រោះកំពុងតែធ្វើម្ហូបស្រាប់តែជនសង្ស័យបានជិះម៉ូតូឌុបម្ដាយមកកម្មវិធីនោះដែររួចហើយជនសង្ស័យក៏បានជិះម៉ូតូត្រឡប់ផ្ទះទៅវិញបានបន្តិចក្រោយមកជនសង្ស័យ​ក៏បានជិះម៉ូតូត្រឡប់មកកន្លែងកម្មវិធីនោះវិញ​ ហើយបានយកកាំបិតបុ័ងតោកាប់ត្រូវចំក្បាលជនរងគ្រោះចំនួន​០១កាំបិត និងកាប់ត្រូវចំស្មាខាងឆ្វេងចំនួន០២កាំបិតទៀតបណ្តាលអោយរងរបួសចេញឈាមហើយពេលនោះជនរងគ្រោះក៏បានចាប់ជនសង្ស័យជាប់រួចហើយក៏បានតេទូរស័ព្ទរាយការណ៍មកសមត្ថកិច្ចនគរបាលប៉ុស្តិ៍តាលន់ឱ្យជួយអន្តរាគមន៍ឃាត់ខ្លួនជនសង្ស័យរួមទាំងវត្ថុតាងមកប៉ុស្តិ៍ដើម្បីធ្វើការសាកសួរ។

នៅចំពោះមុខសមត្ថកិច្ចនគរបាលជនសង្ស័យបានសារថា ពិតជាបានកាប់ជនរងគ្រោះពិតប្រាកដមែន ។ បច្ចុប្បន្នជនសង្ស័យត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកស្អាងដើម្បីកសាងសំណុំរឿងចាត់ការតាមនីតិវិធីច្បាប់៕

អត្ថបទ៖ ឆៃ យ៉ា