សន្តិសុខសង្គម

កម្លាំងស្នងការខេត្តត្បូងឃ្មុំ ជួយរុះរើរំដោះផ្ទះពលរដ្ឋ ៣ ខ្នង ចេញពីការបាក់ស្រុតច្រាំងទន្លេ

បានផុស

២ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

កាលពីព្រឹកថ្ងៃទី ២៧ ខែវិច្ឆិកា ឆ្នាំ ២០២២ លោកឧត្ដមសេនីយ៍ទោ ម៉ុន មាគា៏ លោកវរសេនីយ៍ឯក ឡាយ ឧត្តម ស្នងការរង លោកវរសេនីយ៍ឯក សាំ ហេង អធិការនគរបាលស្រុក និងលោក ភិន ឈុន មេឃុំទន្លេបិទ លោក ឡាង ស្រ៊ិន មេភូមិទួលគរ បានដឹកនាំកម្លាំងចំនួន ៣០ នាក់ ចុះជួយរុះរើផ្ទះប្រជាពលរដ្ឋចំនួន ៣ ខ្នង ដែលរងប៉ះពាល់ដោយការបាក់ច្រាំងទន្លេ ស្ថិតនៅចំណុចភូមិទួលគរ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ទោ ម៉ុន មាគ៌ា ស្នងការនគរបាលខេត្ត បានបញ្ជាក់ឲ្យដឹងថា ផ្ទះពលរដ្ឋដែលរងគ្រោះដោយការបាក់ច្រាំងទន្លេ ហើយត្រូវបានកងកម្លាំងសហការជួយរុះរើរំដោះចេញពីការបាក់ស្រុតរួមមានឈ្មោះដូចខាងក្រោម ៖

១-ផ្ទះរបស់ឈ្មោះ រស់ រី ភេទប្រុស អាយុ ៧១ ឆ្នាំ ទំហំ ៦ ម × ៨ ម ធ្វើអំពីឈើប្រក់ស័ង្កសី ជញ្ជាំងដែក មានសមាជិក ៦ នាក់ អាយុ ១៨ ឆ្នាំ ចំនួន ៤ នាក់។

២-ផ្ទះរបស់ឈ្មោះ ញៀន យន ភេទប្រុស អាយុ ៧៩ ឆ្នាំ ទំហំ ៦ ម × ៧ ម ធ្វើអំពីឈើប្រក់ស័ង្កសី ជញ្ជាំងដែក មានសមាជិក ២ នាក់ អាយុ ១៨ ឆ្នាំ ចំនួន ២ នាក់។

៣-ឈ្មោះ ទិត្យ ឈុនឡាយ ភេទប្រុស អាយុ ៦៣ ឆ្នាំ ផ្ទះទំហំ ៧ ម × ៩ ម ធ្វើអំពីឈើប្រក់ក្បឿង ជញ្ជាំងឈើ មានសមាជិក ២ នាក់ ស្រី ១ នាក់ អាយុ ១៨ ឆ្នាំ ចំនួន ២ នាក់។

លោកស្នងការបានបញ្ជាក់ឲ្យដឹងទៀតថា លទ្ធផលកម្លាំងនគរបាលបានធ្វើការជួយរុះរើផ្ទះចំនួន ១ គ្រួសារ ឈ្មោះ ញៀន យន។ ហើយនៅថ្ងៃទី ២៨ ខែវិច្ឆិកា ឆ្នាំ ២០២២ នេះ កម្លាំងសហការ នឹងបន្តជួយរុះរើផ្ទះចំនួន ២ ខ្នងបន្ថែមទៀត ដើម្បីចេញពីការបាក់ស្រុតនេះ៕

អត្ថបទ ៖ សាន វិឡែម