សន្តិសុខសង្គម

ដាក់ពន្ធនាគារអស់មួយជីវិតឈ្មួញគ្រឿងញៀន ២ នាក់

បានផុស

២ years មុន

នៅ

ថ្ងៃពុធ ១៤ ធ្នូ ២០២២

ដោយ

នៅរសៀលថ្ងៃទី ១៤ ខែធ្នូ ឆ្នាំ ២០២២ លោក ស៊ិន សុវណ្ណរ័ត្ន ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ បានសម្រេចប្រកាសសាលក្រម ផ្ដន្ទាទោសលើជនជាប់ចោទ ១.ឈ្មោះ អ៊ាត ម៉ាទី ភេទប្រុស អាយុ ៣៧ ឆ្នាំ ជនជាតិខ្មែរ មុខរបរមិនពិតប្រាកដ និង ២.ឈ្មោះ នុត កែវរចនា ភេទប្រុស អាយុ ៣៦ ឆ្នាំ ជនជាតិខ្មែរ ដាក់ពន្ធនាគារម្នាក់ៗ អស់មួយជីវិត ពីបទផ្ដើមគំនិតក្នុងអំពើរក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ជាង ២៥ គីឡូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១៨ ខែមករា ឆ្នាំ ២០២២ វេលាម៉ោង ២២ និង ៣០ នាទី កម្លាំងជំនាញ នៃមន្ទីរប្រឆាំងបទល្មើសគ្រឿងញៀន(ក១០) ដឹកនាំដោយលោកឧត្ដមសេនីយ៍ទោ សារី បុត្រសត្យា ,លោកវរសេនីយ៍ឯក យឹម សែនឧត្តម នាយករងមន្ទីរ, លោក តឹក សូនី នាយការិយាល័យ ចូលរួមពីកម្លាំងអធិការដ្ឋាននគរបាលខណ្ឌមានជ័យ ព្រមទាំងមានការសម្របសម្រួលពីលោក អ៊ុ សុភក្តិ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានធ្វើការស៊ើបអង្កេត ស្រាវជ្រាវ ឈានទៅបង្ក្រាបនៅចំណុចបន្ទប់ជួលលេខ ៩ ផ្លូវលំ ភូមិសន្សំកុសល សង្កាត់បឹងទំពុន ១ ខណ្ឌមានជ័យ រាជធានីភ្នំពេញ និងឃាត់ខ្លួនជនសង្ស័យបានជាបន្តបន្ទាប់។