សន្តិសុខសង្គម

គ្រាន់តែជិះម៉ូតូប៉ះគ្នាតិចតួចសោះខ្មាន់កាំភ្លើងបាញ់មួយគ្រាប់បណ្តាលឱ្យបុរសម្នាក់របួសដៃម្ខាង

បានផុស

២ years មុន

នៅ

ថ្ងៃចន្ទ ១៩ ធ្នូ ២០២២

ដោយ

ភ្នំពេញ ៖ បុរសម្នាក់បានរងរបួសដៃម្ខាងត្រូវបានបញ្ជូនទៅមន្ទីរពេទ្យភ្លាមៗ បន្ទាប់ពីជិះម៉ូតូប៉ះគ្នាជាមួយម៉ូតូមួយគ្រឿងទៀតបន្តិចបន្តួច ស្រាប់តែភាគីម្ខាងដកកាំភ្លើងបាញ់មួយគ្រាប់រួចគេចខ្លួនបាត់ បង្កការភ្ញាក់ផ្អើលកាលពីវេលាម៉ោង៩និង៣០នាទីយប់ ថ្ងៃទី១៩ ខែធ្នូ ឆ្នាំ២០២២ នៅមុខវត្តសន្សំកុសល ស្ថិតក្នុងសង្កាត់បឹងទំពុនទី១ ខណ្ឌមានជ័យ។

តាមប្រភពព័ត៌មានបានឱ្យដឹងថា មុនពេលកើតហេតុគេបានឃើញជនរងគ្រោះនិងជនដៃដល់ជិះម៉ូតូបញ្ច្រាសទិសដៅគ្នា ហើយក៏បានប៉ះគ្នាបន្តិចបន្តួច បន្ទាប់មកក៏ឈប់សួរនាំគ្នាបានបន្តិចស្រាប់តែភាគីម្ខាងដកកាំភ្លើងខ្លីពីចង្កេះបាញ់មួយគ្រាប់ចំដៃខាងឆ្វេង ធ្លាយទៅម្ខាងរងរបួសធ្ងន់។

ក្រោយពីបាញ់រួចជនដៃដល់បានជិះម៉ូតូគេចខ្លួនបាត់ ចំណែកជនរងគ្រោះត្រូវបានបញ្ជូនទៅមន្ទីរពេទ្យលោកសង្ឃដើម្បីសង្គ្រោះ៕

អត្ថបទ ៖ សុខា