ក្មេងប្រុសជាបងប្អូនបង្កើត និងជីដូនមួយ៣នាក់ លង់ទឹកស្លាប់ក្នុងពេលតែមួយ

ក្មេងប្រុសដែលមាន២នាក់ជាបងប្អូនបង្កេីត និងម្នាក់ទៀតជាជីដូនមួយនឹងគ្នាបានស្លាប់បាត់បង់ជីវិតក្នុងត្រពាំងទឹកក្បែរផ្ទះក្នុងពេលជាមួយគ្នាគួរសង្វេគ។

ហេតុការណ៍នេះ កេីតឡេីងនៅព្រឹកថ្ងៃទី២៣ ខែធ្នូ ឆ្នាំ២០២២ នៅចំណុចភូមិព្រហ៊ូត សង្កាត់រកាក្រៅ ក្រុងដូនកែវ ខេត្តតាកែវ។ ក្មេងប្រុសទី១ឈ្មោះ រីន នេន អាយុ៥ឆ្នាំ និងទី២ ឈ្មោះ រីន នន់ អាយុ៤ឆ្នាំ ដែលមានម្តាយឈ្មោះ កែប សារី អាយុ២៣ឆ្នាំ ជាស្ត្រីមេម៉ាយក្រីក្រ។ ដោយឡែកក្មេងរងគ្រោះម្នាក់ទៀត ឈ្មោះ កប វ៉ាន់ដេត អាយុ៣ឆ្នាំ មានឪពុកឈ្មោះ ចិន ឌឿន ម្ដាយឈ្មោះ ម៉ៅ រុណ ទីលំនៅភូមិកើតហេតុខាងលើ។

ក្រោយកើតហេតុអាជ្ញាធរភូមិ កម្លាំងនគរបាលប៉ុស្តិ៍សង្កាត់រកាក្រៅ បានចុះដល់ទីតាំងកើតហេតុ និងបានបញ្ជូនជនរងគ្រោះ​ទៅមន្ទីរពេទ្យ តែជាអកុសល ក្មេងប្រុសទាំង៣នាក់ខាងលើបានស្លាប់បាត់បង់អាយុជីវិតរួចបាត់ហើយ។
បច្ចុប្បន្នសពក្មេងប្រុសទាំង៣នាក់ ត្រូវបានក្រុមគ្រួសារយកមកធ្វើបុណ្យតាមប្រពៃណី៕

អត្ថបទ៖ វីរៈ