អគ្គិភ័យឆេះផ្ទះពលរដ្ឋមួយខ្នងទាំងស្រុង និងរាល​ដាលខូចខាត៣ល្វែងជាប់គ្នា

យោងតាមរបាយការណ៍របស់ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានឲ្យដឹងថា ផ្ទះពលរដ្ឋមួយខ្នងធ្វើអំពីឈើប្រក់សង្ក័សី​ ត្រូវបានអគ្គិភ័យឆាបឆេះទាំងស្រុង និងរាលដាលខូចខាត៣ល្វែងជាប់គ្នាផ្សេងទៀត កាលពីវេលាម៉ោង​២និង៣០នាទីយប់រំលងអាធ្រាត ឈានចូលថ្ងៃទី២៦ ខែធ្នូ ឆ្នាំ២០២២ សិ្ថតនៅចំណុចផ្ទះលេខ១៧១​ តាមបណ្តោយផ្លូវព្រះមុន្នីរ៉េត​ ក្រុម៤៩​ ភូ​មិ១៦ សង្កាត់បឹងសាឡាង ខណ្ឌទួលគោក​ រាជធានីភ្នំពេញ។

របាការណ៍បញ្ជាក់ថា ផ្ទះដែលត្រូវអគ្គិភ័យឆាបឆេះមានទំហំ​ ០៨ម៉ែត្រ​ x ២៥ម៉ែត្រ ដោយឡែកមូលហេតុកម្លាំងជំនាញកំពុងស្រាវជ្រាវ។

សមត្ថកិច្ចបន្ថែមថា អគ្គិភ័យនេះត្រូវបានពន្លត់បានទាំងស្រុងនៅវេលាម៉ោង​៤និង០០នាទីទៀបភ្លឺ ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន​ ២១គ្រឿង ប្រេីប្រាស់ទឹកអស់ ៤២ឡាន ស្មើរនឹង ១៦៨ម៉ែត្រគូប​ និងរថយន្តជំនួយមកពីរថយន្តក្រុមហ៊ុន​ ស្រាបៀរកម្ពុជា​ ចំនួន​ ០១គ្រឿង​ ប្រេីប្រាស់ទឹកអស់​ ០១ឡាន​ ស្មេីរនឹង​ ០៦ម៉ែត្រគូប៕