សន្តិសុខសង្គម

សពជនជាតិថៃ៩នាក់ដែលស្លាប់ក្នុងហេតុការណ៍ឆេះកាស៊ីណូ ត្រូវភាគីថៃដឹកតាមរថយន្តចេញទៅថៃ

បានផុស

២ years មុន

នៅ

ថ្ងៃព្រហស្បតិ៍ ២៩ ធ្នូ ២០២២

ដោយ

ប៉ោយប៉ែត ៖ មានសាកសពចំនួន១១ដែលបានរកឃើញក្នុងអគារកាស៊ីណូចំនួន២នាក់នៅមាត់ច្រកអន្តរជាតិ ដែលត្រូវអគ្គិភ័យឆាប់ឆេះ ហើយយកទៅតម្កល់សពនៅវត្តត្រាច ក្នុងនោះមានជនជាតិថៃ៩នាក់ បានធ្វើកោសល្យវិច័យរួចបានដឹកចេញទៅប្រទេសថៃតាមច្រកទ្វារអន្តរជាតិប៉ោយប៉ែតគិតត្រឹមម៉ោង៤រសៀលថ្ងៃទី២៩ ខែធ្នូ ឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការអោយដឹងពីអាជ្ញាធរមូលដ្ឋានបានអោយដឹងថា មានសាកសពសរុបចំនួន១១នាក់ ដែលបានយកចេញពីអគារកាស៊ីណូ ដែលឆេះមកតម្កល់នៅវត្តស្រះត្រាច ដើម្បីធ្វើកោសល្យវិច័យបញ្ជក់ថា ជាជនជាតិអ្វី។ តាមរយៈការធ្វើកោសល្យវិច័យ គឺមានជនជាតិថៃ៩សាកសព ជនជាតិចិនមួយសាកសពនិងជនជាតិនេប៉ាល់។

ក្រោយពីការធ្វើកោសល្យវិច័យរួចខាងថៃបាននាំយកសាកសពទាំង៩នាក់ តាមរថយន្តចេញទៅថៃតាមច្រកទ្វារអន្តរជាតិប៉ោយប៉ែត។ ដោយឡែកបើយោងតាមការអោយដឹងពីអាជ្ញាធរខេត្តនិងសមត្ថកិច្ចកាលពីថ្ងៃត្រង់មានអ្នកស្លាប់១៩នាក់ និង អ្នករបួស៥៣នាក់ក្នុងមានសពមួយចំនួនមិនទាន់យកចេញពីអគារនៅឡើយ។

រហូតដល់ម៉ោង៨យប់នេះ មិនទាន់មានចំនួនជាក់លាក់ណាពិតប្រាកដនៅឡើយទេ។ តែគេសង្កេតឃើញថា ក្រុមអ្នកជួយសង្គ្រោះទាំខ្មែរថៃមានការកើនឡើងហើយចូលក្នុងអាគាររុករកសពនិងជនរងគ្រោះយ៉ាងសកម្មមានទាំងសត្វឆ្កែផងដែរ។ ក្នុងរថយន្តសម្រាប់ដឹកសាកសពនិងសង្គ្រោះរបស់ថៃកាន់តែចូលមកច្រើនឡើងៗ៕

ដោយ ៖ អពៅ