សន្តិសុខសង្គម

រកឃើញសាកសពមួយទៀតនៅជាន់ទី១០ ក្នុងបន្ទប់ទឹករួមនៃកាស៊ីណូភ្លើងឆេះនៅប៉ោយប៉ែត

បានផុស

២ years មុន

នៅ

ថ្ងៃពុធ ១១ មករា ២០២៣

ដោយ

ប៉ោយប៉ែត ៖ ក្រោយការបិទបញ្ចប់នៃការរុករើសពជនរងគ្រោះដោយសារអគ្គីភ័យឆេះកាស៊ីណូពីនៅមាត់ច្រកអន្តរជាតិប៉ោយប៉ែតជាង១០ថ្ងៃបន្ទាប់ពីឆេះកាលពីចុងឆ្នាំ២០២២រួចមក បានរុករកឃើញសាកសពមួយបន្ថែមទៀត នារសៀលថ្ងៃទី១១មករា២០២៣នេះ នៅក្នុងបន្ទប់ទឹករួមនៃអគារកាស៊ីណូហ្គ្រែនដាយមិន ហើយត្រូវបានយកទៅរក្សាទុកនៅមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសមត្ថកិច្ចបានអោយដឹងថា នៅវេលាម៉ោង ៣និង២០នាទីថ្ងៃទី១១ ខែមករា ឆ្នាំ២០២៣នេះបានទទួលព័ត៌មានមកពីខាងក្រុមហ៊ុនកាស៊ីណូហ្គ្រែនដាយមិន បានរកឃើញសាកសពចំនួនមួយ នៅជាន់ទី១០ ក្នុងបន្ទប់ទឹករួម។ លុះនៅម៉ោង១៧ និង២៦នាទីឡានពេទ្យបានដឹកសាកសពទៅរក្សាទុកនៅមន្ទីរពេទ្យបង្អែកក្រុងប៉ោយប៉ែតដើម្បីធ្វើកោសល្យវិច័យ។

តាមការពិនិត្យស្លាកសាកសព នៅម៉ោង៦រសៀលថ្ងៃដដែលសាកសព គឺស្លាប់ដោយសារឈ្លក់ផ្សែងនិងដោយសម្គាល់ទៅលើឯកសារមួយចំនួន សាកសពគឺមានអត្តសញ្ញាណ ឈ្មោះ Chavivat peechapol ភេទប្រុស អាយុ៥៨ឆ្នាំ ជនជាតិថៃ កាន់លិខិតឆ្លងដែនលេខ AB1916225។ ក្រោយការត្រួតពិនិត្យសាកសពត្រូវរក្សាទុកក្នុងបន្ទប់រក្សាសាកសពនៅមន្ទីរពេទ្យបង្អែកក្រុងប៉ោយប៉ែត។

សរុបទាំងការរកឃើញពីមុនការបិទបញ្ចប់ គឺមានសាកសពសរុបចំនួន២៧នាក់ហើយ ដែលបានរកឃើញស្លាប់ដោយសារហេតុការណ៍ឆេះកាស៊ីណូកាលពីយប់ឆ្លងចូលថ្ងៃទី២៩ ខែធ្នូ ឆ្នាំ២០២២។ បើគិតមកដល់ពេលនេះបូករួមទាំងសាកសព ទើបរកឃើញនៅមានសពចំនួនមាន៦នៅរក្សាទុកដើម្បីចាំសាច់ញាតិមកទទួលយក៕

ដោយ ៖ អពៅ