ប្រកាសបើកទ្វារទឹក ៥ អាជ្ញាធរឱ្យជម្លៀសពលរដ្ឋ​នៅតាមដងស្ទឹងក្រាំងពន្លៃរកទួលសុវត្ថិភាព

រដ្ឋបាលខេត្តកំពង់ស្ពឺ ប្រកាសបើកទ្វារទឹកស្វ័យប្រវត្តិទំនប់អាងទឹកអន្លង់ជ្រៃ ចំនួន៥ ជាបណ្ដោះអាសន្ន ដើម្បីរំដោះទឹកចេញ ខណៈទំនប់អាង ទឹកនេះ មានកម្រិតទឹកខ្ពស់ ដោយសារមានភ្លៀកធ្លាក់ជាបន្តបន្ទាប់រយៈពេលប៉ុន្មានថ្ងៃកន្លែងមកនេះ។

សេចក្ដីជូនដំណឹងរបស់រដ្ឋបាលខេត្តកំពង់ស្ពឺចេញផ្សាយប៉ុន្មាននាទីមុននេះបញ្ជាក់ថា៖ «ផ្អែកតាមស្ថានភាពនេះ សូមបងប្អូនប្រជាពលរដ្ឋ ជាពិសេសបងប្អូនប្រជាពលរដ្ឋដែលរស់នៅតាមបណ្ដោយដងស្ទឹងក្រាំងពន្លៃមេត្តាបង្កើនការយកចិត្តទុកដាក់ និងប្រុងប្រយ័ត្នឱ្យបានខ្ពស់ដោយត្រូវរៀបចំទុកសម្ភារសំខាន់ៗនៅទីទួលសុវត្ថិភាពឱ្យបានត្រឹមត្រូវ ជាពិសេសមនុស្សចាស់ជរា កុមារតូចៗ ត្រូវប្រញាប់រួសរាន់ទៅកាន់ទីទួលសុវត្ថិភាពឱ្យបានមុនគេ»៕