សន្តិសុខសង្គម
អភិបាលខេត្តកំពង់ឆ្នាំង អនុញាតឲ្យក្រុមហ៊ុនលាភមហាសម្បត្តិ ឡូតូ បើកអាជីវកម្ម តែត្រូវអនុវត្តតាមលក្ខខណ្ឌ
តបតាមសំណើររបស់លោក កែវ ចំរើន អគ្គនាយកក្រុមហ៊ុន លាភមហាសម្បត្តិ ឡូតូ ឯ.ក ដែលបានស្នើសុំបើកអាជីវកម្មក្រុមហ៊ុន លាភមហាសម្បត្តិ ឡូតូ នៅក្នុងខេត្តកំពង់ឆ្នាំង លោក ស៊ុន សុវណ្ណារិទ្ធ អភិបាល នៃគណៈអភិបាលខេត្តកំពង់ឆ្នាំង បានសម្រេចអនុញាតឲ្យលោក កែវ ចំរើន បើកអាជីវកម្មបាន តែត្រូវអនុវត្តតាមលក្ខខណ្ឌ ដែលរដ្ឋបាលខេត្តដាក់ឲ្យ។
យោងតាមលិខិតជម្រាបជូនលោក កែវ ចំរើន របស់រដ្ឋបាលខេត្តកំពង់ឆ្នាំង បានសម្រេចអនុញាតឲ្យលោក កែវ ចំរើន អគ្គនាយកក្រុមហ៊ុន លាភមហាសម្បត្តិ ឡូតូ ឯ.ក បើកអាជីវកម្ម តែត្រូវអនុវត្តតាមលក្ខខណ្ឌ៦ចំណុចដូចខាងក្រោម៖
១-គោរពតាមអាជ្ញាប័ណ្ណនៃការធ្វើអាជីវកម្មឆ្នោតរបស់គណៈកម្មការគ្រប់គ្រងល្បែងពាណិជ្ជកម្មកម្ពុជា
២-មិនអនុញ្ញាតឲ្យលក់ឆ្នោតជាប្រភេទកន្ទុយលេខ នៅក្នុងភូមិសាស្ត្រខេត្តកំពង់ឆ្នាំងឡើយ
៣-ចំពោះការបង្កើតភ្នាក់ងារលក់ឆ្នោត នៅតាមភូមិសាស្ត្រ ឃុំ-សង្កាត់ ក្រុង-ស្រុក ត្រូវសហការឲ្យបានល្អប្រសើរជាមួយអាជ្ញាធរ ឃុំ-សង្កាត់ ក្រុង-ស្រុកនោះ
៤-សហការឲ្យបានល្អប្រសើរជាមួយអាជ្ញាធរដែនដី និងសមត្ថកិច្ចពាក់ព័ន្ធ ក្នុងការចូលរួមរក្សាសន្តិសុខ សុវត្ថិភាព និងសណ្តាប់ធ្នាប់សាធារណៈ
៥-គោរព និងបំពេញកាតព្វកិច្ចបង់ពន្ធឲ្យបានត្រឹមត្រូវ តាមច្បាប់កំណត់
៦-គោរពឲ្យបានម៉ឺងម៉ាត់នូវច្បាប់បទបញ្ញត្តិ និងលិខិតបទដ្ឋានគតិយុត្តនានាដែលមានជាធរមាន។
រដ្ឋបាលខេត្តកមពង់ឆ្នាំង បញ្ជក់ថា ក្នុងករណីដែលក្រុមហ៊ុនមិនអនុវត្តតាមការណែនាំខាងលើ រដ្ឋបាលខេត្ត នឹងធ្វើការដកហូតលិខិតអនុញ្ញាតនេះដោយឥតលក្ខខណ្ឌ ហើយក្រុមហ៊ុនត្រូវទទួលខុសត្រូវចំពោះមុខច្បាប់ ។ លិខិតអនុញ្ញាតនេះ មានសុពលភាពរយៈពេល០១ ឆ្នាំ ចាប់ពីថ្ងៃចុះហត្ថលេខានេះតទៅ ហើយត្រូវសុំ ច្បាប់បន្តសារជាថ្មីឡើងវិញក្នុងរយៈពេល៣០ថ្ងៃ មុនលិខិតអនុញ្ញាតនេះផុតសុពលភាព។
សូមបញ្ជាក់ថា លោក កែវ ចំរើន អគ្គនាយកក្រុមហ៊ុន លាភមហាសម្បត្តិ ឡូតូ ឯ.ក បានស្នើសុំបើកទីតាំងអាជីវកម្ម និងបើកប្រតិបត្តិការអាជីវកម្មឆ្នោត-ឡូតូ ៥ខ្ទង់(5D) ៦ខ្ទង់(6D) ៧ ខ្ទង់(TD) ៦លើ៣៦(636) ជាមួយរង្វាន់លួងចិត្ត៤ខ្ទង់(4D) ៣ខ្ទង់(3D) ២ខ្ទង់(2D) ដែលមានទីតាំងស្ថិត នៅភូមិម៉ុងបារាំង សង្កាត់ប្អៀរ ក្រុងកំពង់ឆ្នាំង ខេត្តកំពង់ឆ្នាំង របស់ក្រុមហ៊ុន លាភមហាសម្បត្តិឡូតូ ឯ.ក នៅ ទូទាំងខេត្តកំពង់ឆ្នាំង៕
អត្ថបទ៖ សុខុម
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១៣ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ