សន្តិសុខសង្គម

មុនចូលសែនពិធីចិន ផ្ទះបីខ្នងបានឆាបឆេះ ក្នុងស្រុកស្ទឹងត្រង់

បានផុស

២ years មុន

នៅ

ថ្ងៃសុក្រ ២០ មករា ២០២៣

ដោយ

កំពង់ចាម ៖ អគ្គីភ័យបានឆាបឆេះផ្ទះចំនួន៣ក្នុងស្រុកស្ទឹងត្រង់ ខេត្តកំពង់ចាម ដោយសារឆ្លងចរន្តអគ្គិសនី ខណៈសែនចិនមិនចូលមកដល់ ក្នុងហេតុការណ៍នេះ មិនបណ្ដាលអោយមនុស្សរងរបួសឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវេលាម៉ោង ១១ថ្ងៃត្រង់ នាថ្ងៃទី២០ខែមករា ឆ្នាំ២០២៣ មានករណីអគ្គីភ័យបានឆេះផ្ទះ ចំនួន៣ខ្នង ដែលស្ថិតនៅចំណុចភូមិព្រែកកក់ ឃុំព្រែកបាក់ស្រុកស្ទឹងត្រង់ ខេត្តកំពង់ចាម។ បើតាមការបញ្ជាក់ពីសមត្ថកិច្ចបានឲ្យដឹងថា ដោយសន្និដ្ឋានជំហានដំបូងថា ប្រហែលមកពីម្ចាស់ផ្ទះខ្នងទី១ ដាំបាយអគ្គិសនី ទើបបណ្តាលមកពីភ្លើងចង្ក្រានឆ្លងចរន្ត។

សមត្ថកិច្ចបញ្ជាក់ទៀតថា ផ្ទះឈើប្រក់ក្បឿងចំនួន៣ខ្នង ស្មើ៣គ្រួសារនេះ គឺបានឆាបឆេះទាំងស្រុង ខណៈកងកម្លាំងនគរបាលនៃស្នងការដ្ឋាននគរបាលខេត្តកំពង់ចាម ប្រើប្រាស់ឡានទឹក៦គ្រឿង និងមិនបង្កឲ្យនរណាម្នាក់រងរបួសឡើយ។ ករណីអគ្គីភ័យនេះ កងកម្លាំងនគរបាល បានជួយអន្តរាគមន៍បាញ់ពន្លត់អស់១០០% នៅវេលាម៉ោង១នឹង៣០នាទី។

ទន្ទឹមនឹងនេះដែរ អាជ្ញាធរខេត្តកំពង់ចាម ត្រូវតែមានការប្រុងប្រយ័ត្នខ្ពស់ពីគ្រោះអគ្គីភ័យ ដែលអាចកើតមានគ្រប់ពេល ប្រសិនបើ មានការធ្វេសប្រហែស ក្នុងឱកាសពិធីសែនចិនខាងមុខនេះ។ ដូចនេះ ពេលមិននៅ ឬ ចាកចេញពីផ្ទះ ត្រូវបិទកុងតាក់ភ្លើងអគ្គិសនី ពន្លត់ ភ្លើងចង្ក្រាន ហ្គាស ពន្លត់ទៀន ធូប ជាមុនសិន ដើម្បី បង្ការក្រែងកើតមានមហន្តរាយផ្សេងៗ ៕

អត្ថបទនិងរូបភាព ៖ ឡេក ចាន់ពេជ្រ