សន្តិសុខសង្គម

សមត្ថកិច្ចរៀបចំកម្លាំងចុះរុករកជនរងគ្រោះលិចទូកបាត់ ៤ នាក់

បានផុស

២ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

នៅព្រឹកថ្ងៃទី ១៥ ខែកុម្ភៈនេះ លោកឧត្ដមសេនីយ៍ទោ អូត ស៊ីវុត្ថា ស្នងការដ្ឋាននគរបាលខេត្ត បានដឹកនាំកម្លាំងសហការជាមួយកម្លាំងអាវុធហត្ថខេត្ត ចុះរុករកជនរងគ្រោះដែលលិចទូកមួយគ្រួសារ មានគ្នាចំនួន ៨ នាក់ បាត់ខ្លួន ៤ នាក់ ក្មេង ២នាក់ កាលពីវេលាម៉ោង ៨ និង ៥០ នាទី ព្រឹកថ្ងៃទី ១៤ ខែកុម្ភៈ ឆ្នាំ ២០២៣ ចំណុចដងទន្លេមេគង្គកន្ទុយកោះហាន ស្ថិតក្នុងភូមិខាំផាន់ សង្កាត់សាមគ្គី ក្រុង/ខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុង សុភ័ក្ត្រ មេប៉ុស្តិ៍សង្កាត់សាមគ្គីបានឲ្យដឹងថា ជនរងគ្រោះដែលបាត់ខ្លួន ទី១-ឈ្មោះ សុត មី ភេទប្រុស អាយុ ៥៦ ឆ្នាំ(ឪពុក) ,ទី២-ឈ្មោះ ម៉ី សុគ្រី ភេទស្រី អាយុ ២៥ ឆ្នាំ(ត្រូវជាកូន) ,ទី៣- ឈ្មោះ លូយ ចន្ទ្រា ភេទប្រុស អាយុ ៨ ឆ្នាំ(ត្រូវជាចៅ) ,ទី៤-ឈ្មោះ លួយ ហាត់ ភេទប្រុស អាយុ ៦ ឆ្នាំ (ត្រូវជាចៅ)។

លោកមេប៉ុស្តិ៍បានបន្តឲ្យដឹងទៀតថា ជនរងគ្រោះទាំងបួននាក់ និង ៤ នាក់ទៀតដែលរួចផុតពីការស្លាប់ មានទីលំនៅក្នុងភូមិកោះកី ឃុំកោះស្នែង ស្រុកបុរីអូស្វាយសែនជ័យ ខេត្តស្ទឹងត្រែង។ មួយក្រុមគ្រួសារនេះ គោលបំណងទៅធ្វើការងារជាកម្មករឡឥដ្ឋ ពេលដែលធ្វើដំណើរមកដល់ចំណុចកើតហេតុគឺជាកន្លែងទឹកហូរកួចខ្លាំង ដោយសារទូកតូចជិះលើសចំណុះមានគ្នាដល់ទៅ ៨ នាក់ មានឪពុក កូនបង្កើត កូនប្រសា និងចៅផងនោះ ត្រូវបានទឹកកួចលិចបាត់ខ្លួនចំនួនបួននាក់ដោយឡែកបួននាក់ទៀត ត្រូវបានទូកប្រជាពលរដ្ឋបើកឆ្លងកាត់ជួយសង្គ្រោះរួចផុតពីការស្លាប់។