សន្តិសុខសង្គម

លិចទូកក្នុងដងទន្លេមេគង្គ សមត្ថកិច្ចរកឃើញឪពុកហើយ បាត់កូនបង្កើតនិងចៅពីរនាក់ទៀត

បានផុស

២ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

ជនរងគ្រោះចំនួន៤នាក់មានឪពុកកូនបង្កើតចៅពីរនាក់ដែលបានលិចទូកនៅក្នុងដងទន្លេមេគង្គ ក្រោយពីកម្លាំងស្នងការនគរបាលខេត្តសហការជាមួយកម្លាំងអាវុធហត្ថនៅរសៀលថ្ងៃទី១៥ កុម្ភៈនេះ បានរកឃើញឪពុកម្នាក់ បាត់កូនស្រី និងចៅពីរនាក់ មិនទាន់រកឃើញនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកផងដែរថាកាលពីព្រឹកថ្ងៃទី១៤ ខែកុម្ភៈ ជនរងគ្រោះមួយគ្រួសារមានគ្នាចំនួន៨នាក់បានលិចទូកបាត់ខ្លួនចំនួនបួននាក់ មានឪពុកកូនបង្កើតនិងចៅពីរនាក់ នៅចំណុចដងទន្លេមេគង្គកន្ទុយកោះហាន ស្ថិតក្នុងភូមិខាំផាន់ សង្កាត់សាមគ្គី ក្រុង ខេត្តស្ទឹងត្រែង។

លោកអ៊ុង សុភ័ក្ត្រ មេប៉ុស្តិ៍សង្កាត់សាមគ្គីបានឲ្យដឹងថា ជនរងគ្រោះដែលបានបាត់ខ្លួន ឈ្មោះ សុត មី ភេទប្រុសអាយុ៥៦ឆ្នាំ ជាឪពុកបានរកឃើញនៅរសៀលថ្ងៃទី១៥ ខែកុម្ភៈនេះដោយឡែកកូន ឈ្មោះ ម៉ី សុគ្រី ភេទស្រី អាយុ២៥ឆ្នាំ (ត្រូវជាកូន) , ឈ្មោះ លូយ ចន្ទ្រា ភេទប្រុស អាយុ៨ឆ្នាំ(ត្រូវជាចៅ) , ឈ្មោះ លួយ ហាត់ ភេទប្រុស អាយុ៦ឆ្នាំ (ត្រូវជាចៅ)នៅ៣នាក់ម្តាយនិងកូនមិនទាន់រកឃើញនៅឡើយ។

លោកមេប៉ុស្តិ៍បានបន្តឲ្យដឹងទៀតថា ជនរងគ្រោះទាំងបួននាក់និង ៤នាក់ទៀតដែលរួចផុតពីការស្លាប់មានទីលំនៅក្នុងភូមិកោះកី ឃុំកោះស្នែង ស្រុកបុរីអូស្វាយសែនជ័យ ខេត្តស្ទឹងត្រែង មួយក្រុមគ្រួសារនេះក្នុងគោលបំណងទៅធ្វើការងារជាកម្មករឡឥដ្ឋពេលដែលធ្វើដំណើរមកដល់ចំណុចកើតហេតុគឺជាកន្លែងដែលទឹកហូរគួចខ្លាំងដោយសារទូកតូចជិះលើសចំណុះមានគ្នាដល់ទៅ 8 នាក់មានឪពុកកូនកូនបង្កើតកូនប្រសារនិងចៅផងនោះត្រូវបានទឹកគួចលិចបាត់ខ្លួនចំនួនបួននាក់ដោយឡែកបួននាក់ទៀតត្រូវបានទូកប្រជាពលរដ្ឋបើកឆ្លងកាត់បានជួយសង្គ្រោះរួចផុតពីការស្លាប់។

លោកឧត្ដមសេនីយ៍ទោសូមអំពាវនាវទៅបងប្អូនប្រជាពលរដ្ឋ ដែលប្រើប្រាស់ទូកជាមធ្យោបាយត្រូវលើកកម្ពស់ការប្រុងប្រយ័ត្ន -កុំជិះលើសចំណុះ- ត្រូវពាក់អាវពោងការពារ- ទូកត្រូវមានសំបកកានឬពោះវៀនកង់ម៉ូតូ ឬរថយន្តមានខ្យល់ លាបពណ៌ដាក់ ទៅជាមួយជាសញ្ញាបង្ហាញនៅពេលមានគ្រោះថ្នាក់យើងអាចជួយគ្នាបាន។

សូមបញ្ជាក់ថានៅថ្ងៃទី១៥ ខែកុម្ភៈនេះ កម្លាំងស្នងការដ្ឋាននគរបាលខេត្តរួមជាមួយកម្លាំងកងរាជអាវុធហត្ថខេត្តដែលបានចុះរុករកនោះបានរកឃើញឪពុកហើយនៅបាត់កូនស្រីនិងចៅពីរនាក់ទៀតនៅមិនទាន់រកឃើញនៅឡើយ។ ចំណែកឪពុកដែលបានរកឃើញបានធ្វើការបូជានៅនឹងលើកោះក្នុងដងទន្លេមេគង្គនោះតែម្ដង៕

ដោយ ៖ ងិនលីម