សន្តិសុខសង្គម

សមត្ថកិច្ចកំពុងទប់ស្កាត់ភ្លើងឆេះព្រៃកុំឲ្យរាលចូលភូមិ និងផលដំណាំ

បានផុស

២ years មុន

នៅ

ថ្ងៃពុធ ១ មីនា ២០២៣

ដោយ

ដីព្រៃដ៏ធំល្វឹងល្វើយ កំពុងត្រូវបានអណ្ដាតភ្លើងឆាបឆេះ ដែលបញ្ហានេះ ត្រូវបានកម្លាំងការិយាល័យ បង្ការ ពន្លត់អគ្គិភ័យខេត្ត ចេញប្រតិបត្តិការដើម្បីទប់ស្កាត់ការរីករាលដាលចូលភូមិ និងទៅលើផលដំណាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើបានកើតឡើងកាលពីព្រឹកថ្ងៃទី ១ ខែមីនា ឆ្នាំ ២០២៣ នៅក្នុងដីព្រៃមួយកន្លែង ឃុំស្នឹង ស្រុកបាណន់ ខេត្តបាត់ដំបង ដែលករណីនេះត្រូវបានកម្លាំងសមត្ថកិច្ច បាញ់ទឹកទប់ស្កាត់ផង និងប្រើប្រាស់មែកឈើដើម្បីវាយពន្លត់ផង។

បើតាមការបញ្ជាក់ពីលោកនាយការិយាល័យ គឹម ប៊ុនធឿន បានឲ្យដឹងថា នៅពេលលោកទទួលបាននូវសេចក្ដីរាយការណ៍ និងត្រូវធ្វើដំណើរចេញមកដល់ផងនោះ គឺភ្លើងបានឆេះបំផ្លាញព្រៃអស់ទំហំធំធេងទៅហើយ ហើយម្យ៉ាងទៀតផ្លូវដែលចូលទៅក្បែរទីតាំងនោះគឺមានការលំបាកក្នុងការចូលរថយន្តថែមទៀតផង។

ទោះបីជាយ៉ាងណាក៏សមត្ថកិច្ចដែលអូសទុយោទឹកបានប្រឹងប្រែងក្នុងរយៈឆ្ងាយ ឯកម្លាំងនៅសល់ ត្រូវប្រើប្រាស់មែកឈើដើម្បីជួយវាយពន្លត់ ដើម្បីទប់ស្កាត់កុំឲ្យភ្លើងនោះរាលទៅលើចម្ការផលដំណាំ និងលំនៅឋានរបស់ប្រជាពលរដ្ឋ។ រហូតមកទល់នឹងម៉ោង ២ និង ៤៥ នាទីរសៀល ថ្ងៃដដែល សមត្ថកិច្ចនៅមិនទាន់គ្រប់គ្រងស្ថានការណ៍នេះបាននៅឡើយទេ៕

អត្ថបទ ៖ សោ និយមរ័ត្ន