សន្តិសុខសង្គម
ប្រមូលសំរាមដុតរាលដាលដល់ឃ្លាំងស្តុកអេតចាយ ឆាបឆេះយ៉ាងសន្ធោសន្ធៅ
ភ្នំពេញ ៖ ឃ្លាំងស្តុកអេតចាយគ្រឿងជ័រ ក្រដាសឡាំងចាស់ៗមួយកន្លែងត្រូវបានអគ្គិភ័យមួយបានឆាបឆេះ យ៉ាងសន្ធោសន្ធៅ បង្កឲ្យមានការភ្ញាក់ផ្អើលឡើង កាលពីវេលាម៉ោង១៤ និង៤០នាទីថ្ងៃទី០៣ ខែមីនា ឆ្នាំ២០២៣ នៅតាមបណ្តោយផ្លូវប៉េតុងមួយកន្លែង ក្នុងភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ ។ បន្ទាប់ពីមានក្រុមកម្មករប្រមូលសំរាមដុតក្បែរនោះ ហើយរាលដាល។

យោងតាមប្រភពព័ត៌មានឲ្យដឹងថា នៅមុនកើតហេតុ ក្រុមកម្មករនៅឃ្លាំងអេតចាយខាងលើ បានយកសំរាមចាស់ៗយកទៅដុតចោល នៅក្បែរឃ្លាំង។ ដោយការដុតនោះដុតនៅលើខ្យល់ដែលកំពុងបោកបក់ខ្លាំងផងនោះ ធ្វើឲ្យខ្ទាតកម្ទេចភ្លើងប៉ើងទៅលើគំនរអេតចាយ ឡាំងចាស់ៗ និងគំនរជើង ដែលនៅក្នុងបរិវេណឃ្លាំង បង្កឲ្យមានការឆេះរាលដាលខ្លាំងឡើងៗតែម្តងទៅ។

ភ្លាមៗ បន្ទាប់ពីមានការកើតហេតុ កម្លាំងអាជ្ញាធរមូលដ្ឋាន រួមទាំងក្រុមរថយន្តពន្លត់អគ្គីភ័យជាច្រើនគ្រឿង បានចុះទៅដល់ទីតាំងកើតហេតុខាងលើ និងបានធ្វើការអន្តរាគមន៍បាញ់ទឹកពន្លត់ការឆាបឆេះ ។ ក្រោយការបាញ់ទឹកប្រមាណកន្លះម៉ោងរួចមក អណ្តាតភ្លើងបានរលត់១០០ភាគរយ ដោយបានបំផ្លាញគ្រឿងអេតចាយចាស់ៗ សម្បកឡាំងចាស់ៗ និងគ្រឿងឈើដាក់អីវ៉ាន់ សម្រាប់ទុកលក់ ត្រូវឆាបឆេះខូចខាតអស់មួយចំនួនធំ។

ក្នុងហេតុការណ៍នេះ សមត្ថកិច្ចប្រើប្រាស់រថយន្តពន្លត់អគ្គិភ័យ អស់០៥គ្រឿង ដើម្បីគ្រប់គ្រងស្ថានការណ៍បាន១០០ភាគរយ មិនឲ្យមានការរាលដាលបន្តចូលទៅកាន់ឃ្លាំងធំរបស់ទីតាំងនោះទេ ពោលឆេះតែអីវ៉ាន់ដែលនៅខាងមុខឃ្លាំងប៉ុណ្ណោះ។ ក្នុងនោះផងដែរ ក៏មិនមានបណ្តាលឲ្យមនុស្សណាម្នាក់រងរបួសដែរ៕
ដោយ ៖ សុខា






-
ព័ត៌មានអន្ដរជាតិ១៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?