សន្តិសុខសង្គម
ប៉ូលិសស្រុកសំឡូត ប្រមូលក្មេងទំនើងដេញកាប់គ្នាតាមផ្លូវបាន ១១ នាក់
រយៈពេលតែមួយថ្ងៃប៉ុណ្ណោះ កម្លាំងផ្នែកព្រហ្មទណ្ឌ នៃអធិការដ្ឋាននគរបាលស្រុកសំឡូត បានធ្វើការឃាត់ខ្លួនក្មេងទំនើងរហូតដល់ ១១ នាក់ ដែលប្រព្រឹត្តនូវអំពើហិង្សាដោយចេតនា និងមានស្ថានទម្ងន់ទោស គឺពួកគេបានប្រើប្រាស់ដាវ កាំបិត ខ្វែវ ដេញកាប់គ្នាដូចក្នុងភាពយន្តហុងកុង តាមផ្លូវសាធារណៈ។

គួរបញ្ជាក់ថា កាលពីថ្ងៃទី ១៤ ខែមីនា ឆ្នាំ ២០២៣ វេលាម៉ោងប្រហែល ៩ និង ៣០ នាទីយប់ នៅលើកំណាត់ផ្លូវមួយកន្លែង ស្ថិតក្នុងភូមិស្រែជីពៅ ឃុំមានជ័យ ស្រុកសំឡូត មានក្រុមក្មេងទំនើងចំនួន ២ ក្រុម ដោយភាគីម្ខាងមានចំនួន ៣ នាក់ និងភាគីម្ខាងទៀតមានគ្នា ៨ នាក់ បានដេញកាប់គ្នាទៅវិញទៅមក និងកាប់ម៉ូតូ បណ្ដាលឲ្យខូចខាតទាំងសងខាង។

ក្រោយពីបានសិក្សា និងស្រាវជ្រាវរួចមក នៅថ្ងៃទី ១៥ ខែមីនា ម្សិលមិញនេះ ផ្នែកជំនាញបានធ្វើការឃាត់ខ្លួនជនសង្ស័យដែលជាក្មេងទំនើងបានជាបន្តបន្ទាប់ សរុបមានចំនួន ១១ នាក់ ព្រមទាំងបានដកហូតម៉ូតូចំនួន ៣ គ្រឿង និងអាវុធដែលពួកគេធ្វើសកម្មភាពជាច្រើនដើមផងដែរ។

ក្នុងករណីនេះ ផ្នែកជំនាញ កំពុងធ្វើការសាកសួរ និងកសាងសំណុំរឿង ដើម្បីបញ្ជូនទៅកាន់ស្នងការដ្ឋាននគរបាលខេត្ត ក្នុងការអនុវត្តតាមនីតិវិធីច្បាប់៕
អត្ថបទ ៖ សោ និយមរ័ត្ន













-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១០ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ