បញ្ជាដងបូមប៉ះខ្សែភ្លើងឆក់ស្លាប់ភ្លាមៗនៅកន្លែងកើតហេតុ

បុរសជាតៃកុងរថយន្ដបូម​ចំណីសត្វ​ម្នាក់ បានស្លាប់ភ្លាមៗនៅកន្លែងកើតហេតុ បន្ទាប់ពីបញ្ជាដងបូមប៉ះជាមួយខ្សែភ្លើងតង់ស្យុងមធ្យម។

ករណីនេះបានកើតឡើងនៅវេលាម៉ោង១០និង១២នាទី ព្រឹកថ្ងៃទី១៦ ខែមីនា​ ឆ្នាំ២០២៣ នៅចំណុច​ក្បែរ​ស្ពានអូរក្រាំងអំបិល​ ផ្លូវជាតិ​លេខ​៤​ ចន្លោះបង្គោលគីឡូ​ម៉ែត្រលេ​ខ​ ៣៨-៣៩​ ភូមិស្លា​ ឃុំវល្លិស​ ស្រុកសំរោងទង​ ខេត្តកំពង់ស្ពឺ។

របាយការណ៍ពីស្នងការដ្ឋាននគរបាលខេត្តកំពង់ស្ពឺ បានឲ្យដឹងថា បុរស​ម្នាក់​បានស្លាប់ភ្លាមៗ បន្ទា​ប់ពីបានបញ្ជាដ​ង​សន្ទួច​បូមខ្លាញ់ នៃរថយន្ដបូម​ចំណីសត្វ​ CP ប៉ះខ្សែភ្លើងតង់ស្យុងមធ្យម​។

របាយការណ៍បញ្ជាក់ថា តាមការបញ្ជាក់​បន្ថែម​ពីសាក្សី​ថា មុនដំបូងអ្នកបើក​បររថយន្ដដឹកចំណីសត្វ​ បើកមកបែកកង់​ ហើយបា​នហៅក្រុមប៉ះកង់ចល័តមកប៉ះ​ ពេលក្រុមប៉ះកង់មក​ដល់ម្ចាស់​រថយន្ត​បានហៅអោយជួយ​ បូមខ្លាញ់ដង​យោងសម្រាប់បាញ់ចំណីសត្វ​ ពេលកំពុង​តែបញ្ជា​បំពង់ដងបាញ់ចំណីសត្វ​ ដោយមិនបានគឹត និងច្បា​ស់លាស់លើចំណុចខ្សែភ្លើង​បណ្ដាលឱ្យ​ប៉ះជាមួយ​ដងចុងបូមបាញ់ចំណីសត្វ​ ឆ្លងចរន្ដអគ្គិសនី​ឆក់ ស្លាប់ភ្លា​មៗតែម្ដង​៕