សន្តិសុខសង្គម

ភ្លៀងធ្លាក់ខ្លាំងនៅសៀមរាប បោកបក់រលំប៉ាណូ បាក់សង្កត់មនុស្សម្នាក់ស្លាប់ និងកន្លែងធ្វើពិធីចូលឆ្នាំ ត្រូវខ្យល់កន្ត្រាក់បោកដួលរលំគ្មានសល់

បានផុស

២ years មុន

នៅ

ថ្ងៃព្រហស្បតិ៍ ៣០ មីនា ២០២៣

ដោយ

អ៊ិន ពិសី

ភ្លៀងធ្លាក់រយៈពេលមួយម៉ោង បណ្ដាលឲ្យកើតនូវហេតុការណ៍ពីរ នៅក្នុងក្រុងសៀមរាប កាលពីរសៀលថ្ងៃទី ២៩ ខែមីនា ឆ្នាំ ២០២៣ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀង ផ្គរ រន្ទះ លាយឡំជាមួយនឹងខ្យល់កន្ត្រាក់ បានឆក់យកគ្រឿងតែងលម្អទៅដោយផ្កាភ្ញីភ្លើងចម្រុះពណ៌ រង់ចាំទទួលទេវតាឆ្នាំថ្មី បាក់រលំដល់ដី កាលពីវេលាម៉ោងប្រមាណជាង ៥ ល្ងាច ថ្ងៃទី ២៩ ខែមីនា ឆ្នាំ ២០២៣ ដែលមានទីតាំងលើស្ពានថ្ម ព្រះរាជដំណាក់មាត់ស្ទឹងសៀមរាប ក្នុងភូមិមណ្ឌលមួយ សង្កាត់ស្វាយបង្គំ ក្រុងសៀមរាប ខេត្តសៀមរាប។ ដោយឡែកផ្ទាំងប៉ាណូពាណិជ្ជកម្មមួយយ៉ាងធំ ក៏បានបាក់ធ្លាក់រាបដល់ដីដូចគ្នា។

ទីតាំងកើតហេតុស្ថិតនៅខាងកើតផ្សារលើធំថ្មី ត្រង់ចំណុចភ្លើងស្តុប ស្មាយលីង ភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។

បច្ចុប្បន្ន ភ្លៀង ផ្គរ រន្ទះ លាយឡំនឹងខ្យល់កន្ត្រាក់ បណ្ដាលឲ្យខូចខាត ប៉ាណូ ១ ផ្ទាំងធំ ដែលឆ្លងកាត់ផ្លូវជាតិលេខ ៦ និងមានមនុស្សរងគ្រោះ ចំនួន ២ នាក់ (ប្រុស) ស្លាប់ម្នាក់ របួសធ្ងន់ម្នាក់ ដោយសារបាតុភូតធម្មជាតិនេះបានកើតឡើងមួយប៉ប្រិចភ្នែក។ ចំពោះសាកសព ត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ រីឯអ្នករបួសធ្ងន់ យកទៅសង្គ្រោះបន្ទាន់នៅមន្ទីរពេទ្យឯកជន៕

អត្ថបទ ៖ គឿនវេត