សន្តិសុខសង្គម

បុរសម្នាក់ត្រូវម៉ូទ័រកាត់ឈើដួលសង្កត់ពីលើបណ្តាលឲ្យមុតធ្លាយពោះវៀនរងរបួសធ្ងន់ធ្ងរ

បានផុស

២ years មុន

នៅ

ថ្ងៃសៅរ៍ ១ មេសា ២០២៣

ដោយ

ភ្នំពេញ ៖ បុរសម្នាក់បានរងរបួសធ្ងន់ធ្ងរ ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ដឹកយកទៅមន្ទីរពេទ្យភ្លាមៗ បន្ទាប់ពីយកម៉ូទ័រមកកាត់ឈើហើយក៏រអិលជើងដួលសង្កត់ពីលើបណ្តាលឲ្យរងរបួសធ្លាយពោះវៀនចេញមកក្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើង កាលពីវេលាម៉ោង៣រសៀល ថ្ងៃទី១ ខែមេសា ឆ្នាំ២០២៣ នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។

ជនរងគ្រោះឈ្មោះសុខ អឿន ភេទប្រុសអាយុ៤៤ឆ្នាំ មុខរបរលក់ផ្លែឈើ ស្នាក់នៅកន្លែងកើតហេតុ មានស្រុកកំណើតនៅខេត្តក្រចេះ។ មានប្រពន្ធឈ្មោះលី មុំ អាយុ៣២ឆ្នាំ។

តាមប្រភពព័ត៌មានបានឲ្យដឹងថា មុនពេលកើតហេតុជនរងគ្រោះបានយកម៉ូទ័រកាត់ដែកមកកាត់ឈើដើម្បីធ្វើកំណល់រទេះ ខណៈកំពុងកាត់ក៏រអិលជើងដួលសង្កាត់ពីលើម៉ូទ័រដែលកំពុងបញ្ឆេះធ្វើឲ្យរបួសធ្លាយពោះវៀនចេញមកក្រៅរងរបួសធ្ងន់ធ្ងរ។

ក្រោយកើតហេតុក្រុមសង្គ្រោះរបស់អង្គភាព៧១១ មកទទួលយកទៅមន្ទីរកាល់ម៉ែតដើម្បីសង្គ្រោះ៕

ដោយ ៖ សុខា