សន្តិសុខសង្គម

លោកស្រី តាំង ហ្គិចលៀង សម្រេចដាក់ពាក្យប្តឹងនៅនាយកដ្ឋានប្រឆាំងបទល្មើសបច្ចេកវិទ្យា

បានផុស

២ years មុន

នៅ

ថ្ងៃអង្គារ ៤ មេសា ២០២៣

ដោយ

លោកស្រី តាំង ហ្គិចលៀង អគ្គនាយិកាក្រុមហ៊ុន H&L គ្រុប និងជាប្រធានក្លឹបស្រ្តីកម្ពុជានៅថ្ងៃទី៤ ខែមេសា ឆ្នាំ២០២៣នេះបានសម្រេចដាក់ពាក្យប្តឹងនៅនាយកដ្ឋានប្រឆាំងបទល្មើសបច្ចេកវិទ្យា នៃក្រសួងមហាផ្ទៃ បន្ទាប់ពីមានករណីជនអនាមិកក្លែងបន្លំផេកហ្វេសបុកអ្នកស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្តាញសង្គមហ្វេសបុកអ្នកស្រីបានសរសេរ ដោយជម្រាបសួរបងប្អូនខ្មែរទាំងអស់ ទាំងនៅក្នុងស្រុក និងនៅក្រៅស្រុក សុំអង្វរបងប្អូនទាំងអស់គ្នាថា គោលបំណងល្អរបស់អ្នកស្រីត្រូវបានរលាយអស់ហើយ ដោយសារអ្នកស្រីខ្សោយនូវសិល្បៈ និងអក្សរសីលខ្មែរ ក្នុងការនិយាយឬនិយាយដោយឡែកគឺអ្នកចេះនិយាយបានតែពាក្យសាមញ្ញៗ ដែលធ្វើឱ្យមានកំហុសឆ្គងធ្ងន់ធ្ងរដោយអចេតនាបំផុត ពិសេសគឺធ្វើឱ្យសម្តេចតេជោ ហ៊ុន សែន ហត់នឿយ ច្រើនណាស់ដោយសារកំហុសរបស់អ្នកស្រី។ ហេតុនេះអ្នកស្រីសុំលំឱនកាយសំពះអង្វរបងប្អូនទាំងអស់មេត្តា ខន្តីអភ័យទោស ដល់កំហុសដោយអចេតនារបស់នាងអ្នកស្រីផងចុះ ពិសេសសូមបងប្អូន មេត្តាគោរពនូវខ្លឹមសារនៃការបកស្រាយរបស់សម្តេចពុកតេជោហ៊ុន សែន ដោយសារប៉ុន្មានថ្ងៃនេះមានការលួចក្លែងបន្លំផេគរបស់នាងអ្នកស្រី អ្នកស្រីបានទៅដាក់ពាក្យបណ្ដឹងនៅនាយកដ្ឋានប្រឆាំងបទល្មើសបច្ចេកវិទ្យា នៅក្រសួងមហាផ្ទៃ រួចរាល់ហើយព្រឹកនេះ ហេតុនេះសូមបងប្អូនមេត្តាបញ្ឈប់នូវសកម្មភាពខុសឆ្គងនេះទៅ ដើម្បីជួយរក្សានូវសណ្នាប់ធ្នាប់ សន្តិសុខសង្គម ព្រោះអ្នកស្រីនិងបងប្អូនសុទ្ធតែជាខ្មែរដូចគ្នា កាន់ព្រះពុទ្ធសាសនាដូចគ្នា ហេតុនេះការផ្តល់នូវអភ័យឱ្យគ្នាទៅវិញទៅមក គឺជាបុណ្យកុសលធំធេងណាស់ ព្រោះលើលោកនេះគ្មានអ្នកណាដែលមិនចេះខុសនោះទេ តែសំខាន់ចេះទទួលស្គាល់កំហុសដោយសុទ្ធចិត្ត និងកែប្រែនូវកំហុសនោះឯង ។

ជាចុងក្រោយអ្នកស្រីបានអរគុណបងប្អូនអ្នកគាំទ្រ និងអ្នកមិនគាំទ្រខ្ញុំទាំងអស់ បងប្អូនគឺជាអ្នកដែលបានផ្តល់នូវមេរៀនល្អ ល្អ ផ្សេងៗគ្នាឱ្យអ្នកស្រី កាន់តែរឹងមាំ និងល្អប្រសើរទៅអនាគត។សូមបងប្អូនទាំងអស់ មេត្តាអភ័យទោស និងសូមចូលរួមរក្សានូវសណ្ដាប់ធ្នាប់សង្គម ដើម្បីរស់នៅក្រោមដំបូលសន្តិភាព និងអភិវឌ្ឍន៍សង្គម និងក្រុមគ្រួសារយើងទាំងអស់គ្នា៕

Related Topics:នាយកដ្ឋានប្រឆាំងបទល្មើសបច្ចេកវិទ្យា