សន្តិសុខសង្គម

ផ្ទះពលរដ្ឋ ១២ ខ្នង នៅស្រុកបាណន់ ត្រូវខ្យល់កន្ត្រាក់បោកបំផ្លាញខូចខាតយ៉ាងដំណំ

បានផុស

២ years មុន

នៅ

ថ្ងៃសុក្រ ៧ មេសា ២០២៣

ដោយ

អ៊ិន ពិសី

ផ្ទះប្រជាពលរដ្ឋជាង ១០ ខ្នង ត្រូវបានខ្យល់កន្ត្រាក់បំផ្លាញស្ទើរគ្មានសល់ ក្រោយពីមានភ្លៀងធ្លាក់មួយមេរួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះធម្មជាតិនេះ បានកើតឡើងកាលពីថ្ងៃទី ៦ ខែមេសា ឆ្នាំ ២០២៣ វេលាម៉ោង ៤ ល្ងាច នៅចំណុចភូមិបឹងប្រី ឃុំស្នឹង ស្រុកបាណន់ ខេត្តបាត់ដំបង ដោយពេលនោះ មានភ្លៀងធ្លាក់មួយមេយ៉ាងធំ លាយឡំនឹងខ្យល់កន្ត្រាក់មកជាមួយតែម្ដង។

សមត្ថកិច្ចមូលដ្ឋានបានបញ្ជាក់ថា នៅក្នុងករណីនេះដែរ បណ្តាលឲ្យខូចខាតផ្ទះប្រជាពលរដ្ឋអស់ចំនួន ១២ ខ្នងផ្ទះ ដែលផ្ទះទាំងនោះជាកម្មសិទ្ធិរបស់ ឈ្មោះ ទូច សារឿន ភេទប្រុស អាយុ ៦៤ ឆ្នាំ, ឈ្មោះ សួន វ៉ុន ភេទប្រុស អាយុ ៦៨ ឆ្នាំ,ឈ្មោះ ខាន់ យាង ភេទស្រី អាយុ ៤២ ឆ្នាំ,ឈ្មោះ ខន ហេង ភេទប្រុស អាយុ ៣៧ ឆ្នាំ,ឈ្មោះ ជឿម ជឿត ភេទប្រុស អាយុ ៤៥ ឆ្នាំ,ឈ្មោះ ឯក យឿត ភេទប្រុស អាយុ ៥៥ ឆ្នាំ,ឈ្មោះ សាន់ សុខណៃ ភេទស្រី អាយុ ២៣ ឆ្នាំ, ឈ្មោះ ឆែម សាវឿន ភេទប្រុស អាយុ ៥១ ឆ្នាំ, ឈ្មោះ ឃាន ឡី ភេទស្រី អាយុ ៥៦ ឆ្នាំ ,ឈ្មោះ ហេង ចិត្ត ភេទប្រុស អាយុ ៣១ ឆ្នាំ, ឈ្មោះ ញ៉ៅ រ៉ិត ភេទស្រី អាយុ ៥៥ ឆ្នាំ, និង ឈ្មោះ ភួង ស្រីនាង ភេទស្រី អាយុ ៣១ ឆ្នាំ។