សន្តិសុខសង្គម

ខ្យល់កន្ត្រាក់វាយប្រហារលើស្រុករុក្ខគិរី ខូចខាតផ្ទះ ជិត ៣០ ខ្នង និងរបួសមនុស្សម្នាក់

បានផុស

២ years មុន

នៅ

ថ្ងៃសុក្រ ៧ មេសា ២០២៣

ដោយ

លំនៅឋានរបស់ប្រជាពលរដ្ឋ ជិត ៣០ ខ្នង ត្រូវខ្ទេចខ្ទីស្ទើរគ្មានសល់ ខណៈមេឃបានបង្អុរភ្លៀងមួយមេយ៉ាងធំ ហើយក៏មានខ្យល់កន្ត្រាក់បក់បោកមកតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ នៃគ្រោះធម្មជាតិនេះ បានកើតឡើងកាលពីរសៀលថ្ងៃទី ០៦ ខែមេសា ឆ្នាំ ២០២៣ ទៅលើឃុំព្រៃត្រឡាច ស្រុករុក្ខគិរី បណ្តាលឲ្យរងការខូចខាតផ្ទះប្រជាពលរដ្ឋអស់ចំនួន ២៨ ខ្នង និងរងរបួសមនុស្ស ១ នាក់ ថែមទៀតផង។

សមត្ថកិច្ចមូលដ្ឋានបានបញ្ជាក់ថា នៅមុនពេលកើតហេតុ មានភ្លៀងធ្លាក់មួយមេយ៉ាងខ្លាំង ស្របពេលជាមួយគ្នានោះ ក៏មានខ្យល់កន្ត្រាក់មកតែម្ដង ទើបបណ្តាលឲ្យខូចខាតផ្ទះពលរដ្ឋអស់ជាច្រើនខ្នងបែបនេះ។ រីឯស្ត្រីរងគ្រោះ ពេលខ្យល់ខ្លាំង គាត់បានជ្រកក្រោមផ្ទះ លុះផ្ទះរលំក៏សង្កត់តែម្ដង ដោយបច្ចុប្បន្នកំពុងសម្រាកព្យាបាល៕

អត្ថបទ ៖ សោ និយមរ័ត្ន