សន្តិសុខសង្គម

ក្មេងប្រុសស្រី៣នាក់នាំគ្នាទៅលេងស្រះទឹក បណ្ដាលឲ្យក្មេងស្រីម្នាក់លង់ស្លាប់

បានផុស

២ years មុន

នៅ

ថ្ងៃសៅរ៍ ៨ មេសា ២០២៣

ដោយ

បាត់ដំបង ៖ អនិច្ចាក្មេងស្រីម្នាក់ នៅក្នុងចំណោមក្មេងៗចំនួន៣នាក់ បានលង់ទឹកស្លាប់យ៉ាងអាណោចអាធ័ម ក្រោយមានក្មេងរត់ទៅប្រាប់ចាស់ៗ។

ហេតុការណ៍ដ៏រន្ធត់នេះ បានកើតឡើងនាថ្ងៃទី៨ ខែមេសា ឆ្នាំ២០២៣ វេលាម៉ោង១២ និង ៤០ នាទីថ្ងៃត្រង់នៅចំណុចប៉ៃឡាំ ក្នុងភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង ដោយសារតែមានការឆោឡោពីសំណាក់ចាស់ៗក្នុងភូមិ បន្ទាប់ពីមានក្មេងៗរត់ទៅប្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅមុនពេលកើតហេតុ មានក្មេងប្រុស ស្រី ចំនួន៣នាក់ គឺមានឈ្មោះ ឈុនណា អាលីតា (សព) ភេទស្រី អាយុ៧ឆ្នាំ ឈ្មោះ រ៉ើន ឧត្តម ហៅម៉ៅ ភេទប្រុសអាយុ៦ឆ្នាំ និង ឈ្មោះ រ៉ើន សុខធីតា ភេទស្រី អាយុ៦ឆ្នាំ បាននាំគ្នាទៅងូតទឹកលេង នៅក្នុងស្រះខាងលិចផ្ទះ។

លុះនៅពេលដែលចុះទៅក្នុងទឹក ហើយដឹងថា ឈ្មោះ ឈុនណា អាលីតា លង់លិចទៅក្នុងទឹកបាត់ទៅហើយនោះ ក្មេងទាំងពីរនាក់ដែលនៅខាងលើ បានរត់មកប្រាប់ជីតារបស់ក្មេងស្រី (សព) បង្កការភ្ញាក់ផ្អើលដល់ចាស់ៗក្នុងភូមិតែម្តង ទើបនាំគ្នាមកចុះរាវរកក៏ប្រទះឃើញតែនាងស្លាប់បាត់ទៅហើយ។

បច្ចុប្បន្នសព ក្រោយពីសមត្ថកិច្ចចុះពិនិត្យរួចមក ក៏បានធ្វើការប្រគល់ទៅអោយក្រុមគ្រួសារ នាំយកទៅធ្វើបុណ្យទាំងក្តីអាឡោះអាឡៃជាទីបំផុត៕

អត្ថបទ ៖ សោ និយមរ័ត្ន