សន្តិសុខសង្គម

ឆេះរោងសិប្បកម្មទឹកកកនៅព្រែកប្រា សង្ស័យមានអ្នកដុត

បានផុស

២ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

អគ្គិភ័យមួយបានកើតឡើងនៅសិប្បកម្មទឹកកកមួយកន្លែង ស្ថិតក្នុងក្រុម ១៣ ភូមិអូរអណ្តូង ១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកស្រី សែត ម៉ូលីតា មេភូមិអូរអណ្តូង ១ បានឲ្យដឹងថា ករណីអគ្គិភ័យនេះបានកើតឡើងនៅវេលាម៉ោង ១៣ និង ៤០ នាទីរសៀល ថ្ងៃទី ២០ ខែមេសា ចំណុចសិប្បកម្មទឹកកកដែលទុកចោលក្នុងក្រុម ១៣ ភូមិអូរអណ្តូង ១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។

លោកស្រីមេភូមិបានឲ្យដឹងថា មូលហេតុដែលឆេះនេះ ពុំមែនទុស្សេខ្សែភ្លើងនោះទេ ព្រោះជាសិប្បកម្មដែលម្ចាស់ទុកចោល ដោយពុំដំណើរការឡើយ ហើយអាចមានមនុស្សដុត។

ដោយឡែក លោក គុយ គឹមហៀង បានឲ្យដឹងថា ទីតាំងនេះនៅកណ្ដាលវាលខ្សាច់ ហើយរថយន្តពន្លត់អគ្គិភ័យចូលមិនបានទៀតផង។ អគ្គិភ័យបានរលត់ទៅវិញនៅវេលាម៉ោង ១៤ និង ២០ នាទី ថ្ងៃដដែល ដោយពុំឆេះរាលដាលដល់លំនៅដ្ឋានប្រជាពលរដ្ឋនោះទេ៕

អត្ថបទ ៖ នរា