ច្នៃរំសេវបំផ្ទុះយកត្រី ភ្លាត់ស្នៀតផ្ទុះរបួសពេញខ្លួន

យុវជនម្នាក់បានរងរបួសពេញខ្លួនដោយសារអំបែងដប បន្ទាប់ពីបានយកដប M.150 ទៅកែច្នៃជាមួយរំសេវដើម្បី​ដុតបោកត្រី តែត្រូវភ្លាត់ស្នៀតផ្ទុះនៅនឹងដៃខ្លួនឯងទៅវិញ។

យោងតាមរបាយការណ៍របស់សមត្ថកិច្ចបានបញ្ជាក់ថា ករណីច្នៃគ្រាប់នេះបានកើតឡើងនៅថ្ងៃទី២៧ ខែមេសាឆ្នាំ២០២៣ វេលាម៉ោង៤ល្ងាច ដោយមានករណីផ្ទុះគ្រាប់បែកច្នៃដាក់ដប M.150 នៅចំំណុចអូរមួយកន្លែង ក្នុងភូមិកន្ទួត ឃុំសំឡូត ស្រុកសំឡូត ខេត្តបាត់ដំបង។

របាយការណ៍បានបន្តថា នៅមុនពេលកើតហេតុមានយុវជនម្នាក់ឈ្មោះ សុខ ចំរើន អាយុ១៩ឆ្នាំ ទីលំនៅភូមិកន្ទួត ឃុំសំឡូត បានយករំសេវផាវទៅដាក់ក្នុងដបភេសជ្ជ: M.150 យ៉ាងណែន ដោយមានបញ្ឆេះសម្រាប់ដុតផង ទើបយុវជនរូបនេះ បានយកទៅដុតដើម្បីបោកត្រីក្នុងអូរ ប៉ុន្តែត្រូវបានផ្ទុះនៅពេលដុតនោះតែម្តងបណ្តាលអោយរបួសពេញខ្លួន និងផ្នែកខាងមុខនិងលើចឹញ្ចើម។ ភ្លាមៗនោះដែរអ្នកភូមិ និងក្រុមគ្រួសារ បញ្ជូនទៅសម្រាកព្យាបាលនៅមណ្ឌលសុខភាពបឹងរុន៕

អត្ថបទ៖ សោ និយមរ័ត្ន