ជំពាក់លុយជិត២០លាន កូនបំណុលជាស្ត្រីចាក់ម្ចាស់បំណុលជាច្រេីនកាំបិតរហូតស្លាប់​

ជនសង្ស័យជាស្ត្រីម្នាក់ត្រូវបានសមត្ថកិច្ចចាប់ឃាត់ខ្លួនក្រោយស្រាវជ្រាវជាប់ពាក់ព័ន្ធអំពេីឃាតកម្ម​ចាក់សម្លាប់ម្ចាស់បំណុលជាច្រេីនកាំបិត។ 

ករណីឃាតកម្មចាក់សម្លាប់នេះកេីតឡេីងនៅស្រុកព្រៃកប្បាសកាលពីថ្ងៃទី១​ ខែឧសាភា​ ឆ្នាំ២០២៣​ ហេីយជនសង្ស័យត្រូវសមត្ថិកិច្ចក្របួចបានកាលពីព្រឹកថ្ងៃទី០២ ខែឧសភា ឆ្នាំ២០២៣​។  សមត្ថកិច្ចស្រុកព្រៃកប្បាសបានបញ្ជាក់ថា​ ស្ត្រីសង្ស័យឈ្មោះ​ ជួប​ លីណា​ ហៅណែត​ អាយុ២៣​ឆ្នាំ​ បានជំពាក់លុយជនរងគ្រោះជិត២០លាន​រៀល​ ហេីយនៅថ្ងៃកេីតហេតុជនរងគ្រោះ និងជនដៃដល់បានទូរស័ព្ទណាត់គ្នាជជែករឿងសងលុយនៅសាលាឆទានពន្សាំង​ ភូមិពន្សាំង  ឃុំចំប៉ា ស្រុកព្រៃកប្បាស​ ខេត្តតាកែវ។​ រហូតដល់ម៉ោង២០យប់ក៏កេីតមានករណីចាក់សម្លាប់ជនរងគ្រោះឈ្មោះ​ ខេង​ ស្រី​ អាយុ៤២ឆ្នាំ​ ដែលទាំង២នាក់រស់នៅភូមិឃុំខាងលេី។ 

បច្ចុប្បន្នស្រីជនសង្ស័យខាងលេីត្រូវបានសមត្ថកិច្ចជំនាញនៃស្នងការដ្ឋាននគរបាលខេត្តតាកែវ​ ឃាត់ខ្លួនយកមកស្នងការដ្ឋានដេីម្បីកសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី៕​

អត្ថបទ៖ វីរៈ