សន្តិសុខសង្គម

ឆេះយានដ្ឋានមួយកន្លែង ខូចខាតទាំងរថយន្ត និងម៉ូតូ ស្ទើរទាំងស្រុង

បានផុស

២ years មុន

នៅ

ថ្ងៃពុធ ៣ ឧសភា ២០២៣

ដោយ

យានដ្ឋានជួសជុលរថយន្តមួយកន្លែង យីហោ”ជាងកក្កដា” ត្រូវបានអគ្គិភ័យឆាបឆេះទាំងព្រឹក និងរាលដាលដល់រថយន្តដែលអតិថិជនយកមកជួសជុលថែមទៀតផង ដោយសារការធ្វេសប្រហែសពីសំណាក់កូនជាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងនៅថ្ងៃទី ៣ ខែឧសភា ឆ្នាំ ២០២៣ វេលាម៉ោង ៩ និង ៤០ នាទីព្រឹក ចំណុចភូមិពោធិ៍ ២ ឃុំគារ ស្រុកមោងឬស្សី ខេត្តបាត់ដំបង ដោយអគ្គិភ័យមួយកើតឡើង ឆេះទៅលើយានដ្ឋានយីហោ”ជាងកក្កដា” ដែលម្ចាស់មានឈ្មោះ សំ កក្កដា ភេទប្រុស អាយុ ៣៥ ឆ្នាំ រស់នៅទីតាំងកើតហេតុខាងលើ។

បើតាមការរៀបរាប់ពីម្ចាស់ទីតាំងលើកឡើងថា មុនពេលកើតហេតុ កូនជាងបានយកម៉ូទ័រដែលប្រើប្រាស់ដោយចរន្តអាគុយ យកទៅបូមសាំងចេញពីរេសឺវ័ររថយន្តដែលអតិថិជនយកមកជួសជុល ស្រាប់តែម៉ូទ័រនោះបែកផ្កាភ្លើង បណ្ដាលឲ្យឆាបឆេះឡើង។

ចំណែកសម្ភារៈខូចខាតរួមមាន ៖ ឆេះរថយន្ត ១ គ្រឿង ម៉ាក NISSAN FRONTIER ពាក់ស្លាកលេខ ភ្នំពេញ 2W. 8795 (ខូចប្រហែល ៥០%) និងរថយន្ត ១ គ្រឿងទៀត ម៉ាកKIA VISTO ធុនទេសចរណ៍ ពាក់ស្លាកលេខ បាត់ដំបង 2A. 8422 (ខូចប្រហែល ៥០%)។, ម៉ូតូ ១ គ្រឿង ម៉ាកហុងដាឌ្រីម ធុនសេ១២៥ ពាក់ស្លាកលេខ កណ្ដាល 1E.1807 (ខូច១០០%) និងរបួសមនុស្សចំនួន ២ នាក់។

ករណីឆេះនេះ រថយន្តពន្លត់អគ្គិភ័យរបស់អធិការដ្ឋាននគរបាលស្រុកមោងឬស្សី បានមកដល់កន្លែងកើតហេតុ តែមិនបានបាញ់ទឹកពន្លត់ទេ ព្រោះមានរថយន្តបាញ់ទឹកធ្វើផ្លូវជាតិលេខ ៥ របស់ក្រុមហ៊ុន(នឹម ម៉េង) បានជួយបាញ់ពន្លត់រលត់ទាំងស្រុងហើយ៕

អត្ថបទ ៖ សោ និយមរ័ត្ន