សន្តិសុខសង្គម

កម្លាំងអាវុធហត្ថរាជធានីឃាត់ខ្លួនបុរសម្នាក់ក្នុងចំណោម២នាក់ បន្លំខ្លួនធ្វើជាសមត្ថកិច្ចឆែកឆេរប្រជាពលរដ្ឋតាមដងផ្លូវ

បានផុស

២ years មុន

នៅ

ថ្ងៃសៅរ៍ ៦ ឧសភា ២០២៣

ដោយ

ភ្នំពេញ ៖ បុរសម្នាក់ត្រូវបានកម្លាំងអាវុធហត្ថរាជធានីភ្នំពេញ ធ្វើការឃាត់ខ្លួនយកទៅសួរនាំ ចំណែកម្នាក់ទៀតគេចខ្លួនបាត់ក្រោយពីពួកគេបន្លំខ្លួនធ្វើជាសមត្ថកិច្ចឆែកឆេរពលរដ្ឋតាមដងផ្លូវរកគ្រឿងញៀនតាមដងផ្លូវ។

សូមរំលឹកផងដែរថា កាលពីវេលាម៉ោង ១១ និង៣០ នាទីយប់ថ្ងៃទី ៥ ខែឧសភា ឆ្នាំ ២០២៣ បន្ទាប់ពីពិធីបើកព្រឹត្តិការណ៍ស៊ីហ្គេមលើកទី៣២(32nd SEA Games) និង អាស៊ានប៉ារ៉ាហ្គេមលើកទី១២(12th ASEAN Para Games ) បានបញ្ចប់ យុវជនមួយក្រុមបានជិះម៉ូតូបំណងទៅកន្លែងស្នាក់នៅខណៈមកដល់តាមបណ្ដោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ស្រាប់តែមានបុរសពីរនាក់ ជិះម៉ូតូណៃហត ១គ្រឿង ធ្វើខ្លួនឯងជាសមត្ថកិច្ច មកចាប់ឆែករកគ្រឿងញៀននិងប្រើហិង្សា លើយុវជនម្នាក់។ បន្ទាប់មកជនស៊ីវិលទាំងពីរនាក់នោះ បានជិះម៉ូតូគេចខ្លួនបាត់ស្រមោល ចំណែកជនរងគ្រោះ មិនចង់មានរឿងវែងឆ្ងាយក៏នាំគ្នាជិះម៉ូតូត្រឡប់ទៅផ្ទះ រៀងៗខ្លួនទៅ។

រហូតមកដល់រសៀលថ្ងៃទី០៦ ខែឧសភា ឆ្នាំ២០២៣នេះ កម្លាំងកងរាជអាវុធហត្ថក៏ស្រាវជ្រាវតាមចាប់បុរសម្នាក់យកទៅសួរនាំនិងចាត់ការតាមនីតិវិធី៕

ដោយ ៖ សុខា