សន្តិសុខសង្គម

Update ៖ អគ្គិភ័យឆាបឆេះផ្ទះលក់គ្រឿងសង្ហារិម រងការខូចខាត

បានផុស

១ year មុន

នៅ

ថ្ងៃសុក្រ ១៩ ឧសភា ២០២៣

ដោយ

ផ្ទះប្រជាពលរដ្ឋលក់គ្រឿងសង្ហារិមមួយល្វែង ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់សមត្ថកិច្ច និងរថយន្តពន្លត់អគ្គិភ័យចុះមកអន្តរាគមន៍ កាលពីវេលាម៉ោង ១២ និង ១០ នាទីថ្ងៃត្រង់ ថ្ងៃទី ១៩ ខែឧសភា ឆ្នាំ ២០២៣ នៅផ្លូវបេតុង ភូមិថ្មគោល ១ សង្កាត់ចោមចៅទី ២ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ផ្ទះឈ្មោះ ហែម សុភាព ភេទប្រុស អាយុ ៤៨ ឆ្នាំ មុខរបរលក់គ្រឿងសង្ហារិម ផ្ទះដែលត្រូវបានអគ្គិភ័យឆាបឆេះនោះប្រភេទថ្ម ទំហំទទឹង ៨ ម៉ែត្រ បណ្ដោយ ២៤ ម៉ែត្រ។

តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញមានផ្សែងហុយចេញពីផ្នែកខាងក្រោយយ៉ាងសន្ធោសន្ធៅ បង្កជាអណ្ដាតភ្លើង ភ្លាមនោះប្រជាពលរដ្ឋបាននាំគ្នាយកបំពង់ពន្លត់អគ្គិភ័យមកបាញ់ពន្លត់ តែដោយសារតែស្ថានភាពផ្សែងកាន់តែខ្លាំងឡើងៗ ពិបាកនឹងការចូលបាញ់ទើបរាយការណ៍ទៅសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍ភ្លាមៗ។

ក្នុងរង្វង់ប្រតិបត្តិការខាងលើ រថយន្តពន្លត់អគ្គិភ័យចំនួន ៥ គ្រឿង មកអន្តរាគមន៍ ដោយរថយន្តអង្គភាព ៧១១ ចំនួន ៣ គ្រឿង និងរថយន្តស្នងការនគរបាលរាជធានីចំនួន ២ គ្រឿង។