សន្តិសុខសង្គម

សមត្ថកិច្ចខណ្ឌពោធិ៍សែនជ័យ ចុះរដ្ឋបាលតំបន់ស្មុគស្មាញ ឃាត់ខ្លួនជនសង្ស័យ ១០ នាក់

បានផុស

១ year មុន

នៅ

ថ្ងៃពុធ ២៤ ឧសភា ២០២៣

ដោយ

កម្លាំងអធិការដ្ឋាននគរបាលខណ្ឌពោធិ៍សែនជ័យ សហការជាមួយកម្លាំងរដ្ឋបាលសង្កាត់ចោមចៅទី ៣ ចុះរដ្ឋបាលតំបន់ដែលស្មុគស្មាញ ឃាត់ខ្លួនជនសង្ស័យ ១០ នាក់ និងដកហូតសម្ភារៈកាច់សោ.ក ម៉ូតូមួយឈុត ដាវសាំម៉ូរ៉ៃមួយដើម កាលពីវេលាម៉ោង ៨ និង ៣០ នាទីព្រឹក ថ្ងៃទី ២៤ ខែឧសភា ឆ្នាំ ២០២៣ នៅភូមិព្រៃទា ១ សង្កាត់ចោមចៅទី ៣ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសមត្ថកិច្ចបានឲ្យដឹងថា ដោយសារតែប្រជាពលរដ្ឋរាយការណ៍សម្ងាត់ថា តំបន់ខាងលើតែងតែមានក្រុមក្មេងទំនើងដើរចេញចូលយប់ព្រលប់មិនឈប់ និងតែងបាត់បង់សម្ភារៈទ្រព្យសម្បត្តិដែលមានតម្លៃ ទើបកម្លាំងអធិការដ្ឋាននគរបាលខណ្ឌពោធិ៍សែនជ័យ សហការជាមួយកម្លាំងរដ្ឋបាលសង្កាត់ចោមចៅទី ៣ ចុះធ្វើរដ្ឋបាលក្នុងភូមិតំបន់ស្មុគស្មាញ។

ក្នុងនោះ ប្រទះឃើញក្រុមក្មេងទំនើងប្រពាក់ប្រពូនគ្នានៅបន្ទប់ជួល ខណៈត្រួតពិនិត្យបានរកឃើញសម្ភារៈសម្រាប់កាច់សោ.ក ម៉ូតូមួយឈុត និងដាវសាំម៉ូរ៉ៃមួយដើម ទើបកម្លាំងធ្វើការឃាត់ខ្លួនជនសង្ស័យទាំងនោះ សរុបចំនួន ១០ នាក់។