សន្តិសុខសង្គម

ប្រទះឃើញគ្រាប់ប្លោង ០៤ គ្រាប់ នៅលើដំបូកស្រែ

បានផុស

២ years មុន

នៅ

ថ្ងៃសុក្រ ៩ មិថុនា ២០២៣

ដោយ

យុទ្ធភណ្ឌមិនទាន់ផ្ទុះចំនួន ០៤ គ្រាប់ ត្រូវបានប្រគល់ទៅឲ្យមន្ត្រីជំនាញ បន្ទាប់ពីប្រជាពលរដ្ឋប្រទះឃើញនៅលើដំបូកស្រែដែលគាត់កាប់ឆ្ការដើម្បីដាំដំណាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើនេះបានកើតឡើងនៅថ្ងៃទី ៩ ខែមិថុនា ឆ្នាំ ២០២៣ វេលាម៉ោង ៩ ព្រឹក ដោយមានប្រជាកសិករឈ្មោះ ឈឹម វណ្ណី ភេទប្រុស អាយុ ៥៤ ឆ្នាំ រស់នៅភូមិដំណាក់ដង្កោ ឃុំក្តុលតាហែន ស្រុកបវេល ខេត្តបាត់ដំបង បានចុះទៅកាប់ឆ្ការដំបូកក្នុងស្រែរបស់ខ្លួន ដើម្បីដាក់ដាំដំណាំ ក៏ប្រទះនឹងយុទ្ធភណ្ឌមិនទាន់ផ្ទុះចំនួន ០៤ គ្រាប់។ ក្នុងនោះ គាត់មិនអាចសន្និដ្ឋានបានទេថា តើវានៅមានគុណភាព ឬក៏អត់ ទើបរាយការណ៍ទៅកម្លាំងសមត្ថកិច្ចមូលដ្ឋានដើម្បីចុះទៅពិនិត្យ។

ក្នុងនោះដែរ កម្លាំងប៉ុស្តិ៍នគរបាលរដ្ឋបាលឃុំក្តុលតាហែន បានចុះទៅទទួលគ្រាប់មិនទាន់ផ្ទុះចំនួន ០៤ គ្រាប់ ពីប្រជាពលរដ្ឋ រួមមាន ៖ គ្រាប់មីនធុន ៦៩ ចំនួន ០២ គ្រាប់ ,គ្រាប់ប្លោងធុន ៦០ មិល្លីម៉ែត្រ ចំនួន ០១ គ្រាប់ ,និង គ្រាប់បេ ៤០ ចំនួន ០១ គ្រាប់ ហើយបច្ចុប្បន្នប្រគល់ទៅឲ្យអង្គភាពស៊ីម៉ាក់ រួចហើយ ដើម្បីយកទៅកម្ទេចចោល៕

អត្ថបទ ៖ សោ និយមរ័ត្ន