រដ្ឋបាលខណ្ឌដូនពេញស្រាយបំភ្លឺករណីបុរសម្នាក់​យកលុយផ្ញើរថយន្ដតាមទីសា​ធារណៈ​១៥០០០រៀល ក្នុងមួយគ្រឿង

បន្ទាប់ពីមានការចែករំលែកលើបណ្ដាញសង្គមពាក់ព័ន្ធបុរសម្នាក់កឹបសំបុត្រយកថ្លៃផ្ញើរថយន្ដមួយគ្រឿងចំនួន​១៥០០០​រៀល រួចមក នៅរសៀលថ្ងៃទី១៣ ខែមិថុនា នេះ រដ្ឋបាលខណ្ឌដូនពេញបានបញ្ចេញវីដេអូបកស្រាយរបស់បុរសរូបនោះដើម្បីបញ្ជាក់ពីរឿងហេតុ។

បើតាមរដ្ឋបាលខណ្ឌដូនពេញ ឲ្យដឹងថា រដ្ឋបាលខណ្ឌដូនពេញ សូមឆ្លើយតបទៅនឹង Account Facebook ឈ្មោះ Leang Piseth និងតាមបណ្តាញសារព័ត៌មានមួយចំនួន ដែលបានបង្ហោះមានករណីយកថ្លៃផ្ញើរថយន្ត០១គ្រឿង ចំនួន ១៥,០០០រៀល នៅមន្ទីរពេទ្យព្រះអង្គឌួង។ ករណីនេះសាម៉ីខ្លួនបានចេញមុខបកស្រាយនៅក្នុង Video ដូចខាងក្រោម÷

សូមបញ្ចាក់ថា កាលព្រឹកថ្ងៃទី១៣​ខែមិថុនា នេះ មានAccount Facebook ឈ្មោះ Leang Piseth និងតាមបណ្តាញសារព័ត៌មានមួយចំនួន មានការចែករំលែកនៅលើបណ្ដាញសង្គមជាច្រើនពាក់ព័ន្ធបុរសម្នាក់យកលុយផ្ញើរថយន្ដមួយគ្រឿចំនួន១៥០០០រៀល ដែលធ្វើឲ្យមហាជនមានការិះគន់។

Account Facebook ឈ្មោះ Leang Piseth បានសរេសេររៀបរាប់ថា បងប្អូនប្រយត្ន័បងប្រុសម្នាក់នេះធ្វើស៊ីដូចខ្ញុំបក់ដៃហៅឡានអោយចតនៅចំហៀងពេទ្យព្រះអង្គដួងខ្ញុំទៅពិនិ្យភ្នែករួចរាលចុះមកវិញគាត់ទាលុយខ្ញំ15000រៀល ។ ខ្ញុំព្យាយាមសុំអោយតែ10000រៀនតែគាត់និយាយថាមិនបានទេ។គាត់អោយគេចតតែកង់បីក៏បាន15000រៀលដែរ។ពេលខ្ញុំតថ្លៃគាត់មិនបាន ក៍ខ្ញុំអោយគាតសរសេរតំលៃនៅលើក្រដាស់បញ្ជាក់តំលៃនឹងទៅ បង៊ម្នាក់នេះគាត់មានក្រុមកាងារគាត់ច្រើនគ្នាណាស់នៅផ្លូវចំហៀងពេទ្យ ព្រះអង្គដួង មិនដឹងថាលុយយក15000រៀលចូលជាតិបានប៉ុន្មានទេ។

សូមបញ្ជាក់បន្ថែមថា តាមរយៈ comment បុរសរូបនេះ នឹងរងវិធានការរដ្ឋបាល៕

អត្ថបទ៖ សុខុម