សន្តិសុខសង្គម

ឃាត់ខ្លួនអ្នកសារព័ត៌មាន២នាក់ ពាក់ព័ន្ធករណីគ្រឿងញៀន

បានផុស

២ years មុន

នៅ

ថ្ងៃចន្ទ ១៩ មិថុនា ២០២៣

ដោយ

កម្លាំងនគរបាលនៃអធិការដ្ឋាននគរបាលស្រុកសាមគ្គីមុនីជ័យ ខេត្តកំពង់ស្ពឺ បានធ្វើការឃាត់ខ្លួនជនសង្ស័យ២នាក់ ដែលអះអាងថាជាអ្នកសារព័ត៌មាន ដកហូតគ្រឿងញៀន និងសម្ភារៈមួយចំនួន។

ករណីឃាត់ខ្លួនអ្នកសារព័ត៌មានរូបនេះបានធ្វើឡើងកាលពីវេលាម៉ោង២៣និង៣០នាទី ថ្ងៃទី១៦ ខែមិថុនា ឆ្នាំ២០២៣ នោចំណុចផ្លូវលំខាងជើងភូមិព្រៃទទឹង សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ស្នងការដដ្ឋាននគរបាលខេត្តកំពង់ស្ពឺ បានដឹងនៅថ្ងៃទី១៩ ខែមិថុនា នេះថា ជនសង្ស័យដែលឃាត់ខ្លួនមានឈ្មោះ ១.ឈ្មោះ សួន ឧត្តម ភេទប្រុស អាយុ២៤ឆ្នាំ រស់នៅភូមិស្រែកណ្តោល ឃុំម្កាក់ ស្រុកអង្គស្នួល ខេត្តកណ្តាល។ ២.ឈ្មោះ សុខ កាន់ (វ៉េ) ភេទប្រុស អាយុ៣៨ឆ្នាំ រស់នៅភូមិត្រពាំងស្មាច់ ឃុំម្កាក់ ស្រុកអង្គស្នួល ខេត្តកណ្តាល។

បើតាមរបាយការណ៍បញ្ជាក់ថា ដោយមានព័ត៌មានពីមូលដ្ឋាន និងការកំណត់មុខសញ្ញាសង្ស័យ កម្លាំងឈានទៅឃាត់ឆែកឆេររកឃើញម្សៅក្រាមពណ៍ ស សង្ស័យជាគ្រឿងញៀនចំនួន០១កញ្ចប់មធ្យម ក្នុងនោះសមត្ថកិច្ចបានដកហូតសម្ភារៈរួមមាន៖ វិទ្យុទាក់ទង (អាយកូម) ចំនួន០២ គ្រឿង ឧបករណ៍ឆក់ (ពិលឆក់)ចំនួន ០២ គ្រឿង កាតសម្គាល់ខ្លួនអ្នកសារពត៍មានចំនួន០១សន្លឹក ម៉ូតូ០១គ្រឿង ម៉ាក C125 ពណ៍ខ្មៅ ពាក់ផ្លាក់លេខ ភ្នំពេញ 1KE 4698 ។

ក្រោយពីឃាត់ខ្លួន ជនសង្ស័យរួមជាមួយវត្ថុតាង ត្រូវបានសមត្ថកិច្ចបញ្ជូនមកស្នងការដ្ឋាននគរបាលខេត្ដកំពង់ស្ពឺដើម្បីចាត់ការតាមនិតិវិធី៕

អត្ថបទ៖ សុខុម