បំបែកសំណុំរឿងកាប់សម្លាប់នារីម្នាក់ និងកូនអាយុ១ខួបយ៉ាងសាហាវព្រៃផ្សៃ

កម្លាំងនគរបាលនៃអធិការដ្ឋាននគរបាលស្រុកបសេដ្ឋ ខេត្តកំពង់ស្ពឺ បានស្រាវជ្រាវចាប់ខ្លួនជនដៃដល់ម្នាក់ក្នុងសំណុំរឿងកាប់សម្លាប់នារីវ័យ២៤ឆ្នាំម្នាក់ រួមទាំងកូនអាយុទើប១ខួបបណ្ដាលឲ្យស្លាប់យ៉ាងសាហាវព្រៃផ្សៃ។

សូមបញ្ជាក់ថា ការណីកាប់សម្លាប់នារីវ័យ២៤ឆ្នាំ រួមទាំងកូនអយុទើបតែ១ខួបនេះ បានកើតឡើងកាលពីវេលាម៉ោង​៧និង០០នាទី ថ្ងៃទី២៦ ខែមិថុនា ឆ្នាំ២០២៣ម្សិលមិញនេះ នៅចំណុចភូមិត្រពាំងឈូ​ក ឃុំកក់ ស្រុកបសេដ្ឋ ខេត្តកំពង់ស្ពឺ។

បើតាមរបាយការណ៍សមត្ថកិច្ច ជនរងគ្រោះមានឈ្មោះ ឈៀវ សុខគឿន ភេទស្រី អាយុ២៤ឆ្នាំ និងកូនស្រី អាយុ១ឆ្នាំ ត្រូវបានជនដៃដល់ធ្វើសកម្មភា​ពកាប់បណ្តាលឱ្យស្លាប់ទាំងពីរនាក់នៅកន្លែងកើតហេតុ។ ជនដៃដល់ត្រូវបានចាប់ខ្លួន និងបញ្ជូនទៅអធិការដ្ឋានគរបាលស្រុកបសេដ្ឋ​ដើ​ម្បី​សាកសួរ​តាមនីតិវិធី​។

ក្នុងរបាយការណ៍បញ្ជាក់ថា យោងតាម​ការអោយដឹងបន្ថែមពីសមត្ថកិច្ច មូលហេតុដំបូងឈានទៅដល់សកម្មភាពកាប់សម្លាប់ម្ដាយ និងកូនតូចយ៉ាងសាហាវព្រៃផ្សៃយ៉ាងឃោរឃៅនេះ​ ដោយសារគំនុំ។ ក្នុងនោះ​ប្រវត្តិ​ជនសង្ស័យជាមនុស្សប្រើប្រាស់ថ្នាំញៀនផងដែរ៕

អត្ថបទ៖ សុខុម