សន្តិសុខសង្គម

ឃាត់ខ្លួនជនជាតិចិនម្នាក់ ក្រោយផ្ទុះអាវុធជាច្រើនគ្រាប់ នៅខណ្ឌពោធិ៍សែនជ័យ

បានផុស

២ years មុន

នៅ

ថ្ងៃពុធ ៥ កក្កដា ២០២៣

ដោយ

ជនជាតិចិនម្នាក់ សង្ស័យស្រវឹង ដើរតាមផ្លូវដកកាំភ្លើងបាញ់មេឃជាច្រើនគ្រាប់ បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច ចុះអន្តរាគមន៍ឃាត់ខ្លួនយកទៅសួរនាំ កាលពីវេលាម៉ោង ៣ និង ៥០ នាទី ទៀបភ្លឺ ថ្ងៃទី ៥ ខែកក្កដា ឆ្នាំ ២០២៣ ស្ថិតនៅផ្លូវបេតុង ទល់មុខព្រលានយន្តហោះ សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញជនជាតិចិនម្នាក់ ដើរថ្មើរជើងតាមបណ្ដោយផ្លូវបេតុង ទិសដៅពីត្បូងទៅជើង ខណៈដល់ចំណុចកើតហេតុ មិនដឹងតូចចិត្តរឿងអ្វី ក៏ដកកាំភ្លើងបាញ់ឡើងលើមេឃជាច្រើនគ្រាប់ បង្កការភ្ញាក់ផ្អើលដល់ពលរដ្ឋនៅក្បែរ រត់ជាន់ជើងគ្នា និងរាយការណ៍ទៅសមត្ថកិច្ចភ្លាមៗ។

ក្រោយពីទទួលព័ត៌មានភ្លាម កម្លាំងសមត្ថកិច្ច កងរាជអាវុធហត្ថខណ្ឌពោធិ៍សែនជ័យ បានចុះអន្តរាគមន៍ធ្វើការឃាត់ខ្លួនយកទៅសួរនាំភ្លាមៗ និងដកហូតកាំភ្លើងខ្លីមួយដើមម៉ាក K54។ បច្ចុប្បន្ន ជនសង្ស័យ ត្រូវបានសមត្ថកិច្ចកំពុងសាកសួរ និងចាត់ការតាមនីតិវិធី៕

អត្ថបទ ៖ សុខា