សន្តិសុខសង្គម

ស្រុកកំពង់ត្រាច មានតំបន់មួយចំនួនកំពុងរងការជន់លិចដោយជំនន់ទឹកភ្លៀងនៅឡើយ

បានផុស

២ years មុន

នៅ

ថ្ងៃចន្ទ ៣១ កក្កដា ២០២៣

ដោយ

កំពត ៖ នៅថ្ងៃទី ៣១ ខែកក្កដា ឆ្នាំ២០២៣នេះ បន្ទាប់ពីស្រឡះ រហូតដល់ល្ងាច ស្រុកកំពង់ត្រាច ក្នុងតំបន់មួយចំនួនបានរងការជំនន់ទឹកភ្លៀងជន់លិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរមូលដ្ឋាន និង មន្ត្រីជំនាញបាននឹងកំពុងមមាញឹកក្នុងការកាយប្រឡាយរំដោះទឹកចេញពីតំបន់ជន់លិចនៅឡើយ នៅភូមិដើមចារ និងភូមិកំពង់ត្រាចទី ២ ដែលស្ថិតនៅក្នុងឃុំកំពង់ត្រាចខាងលិច ស្រុកកំពង់ត្រាច ខេត្តកំពត។

ជំនន់នេះមិនប៉ះពាល់ដល់ការរស់នៅរបស់ប្រជាពលរដ្ឋទេ ដោយសារអាជ្ញាធរបានចំណាត់ការទាន់ពេល ពីអាជ្ញាធរមូលដ្ឋានបានឲ្យដឹងថាជាង១សប្តាហ៍មកហើយ អាកាសធាតុនៅខេត្តកំពតឃើញថា មេឃស្រឡះ មិនមានភ្លៀងតាំងព្រឹក រហូតមកដល់ល្ងាចថ្ងៃទី៣១ ខែកក្កដានេះ តំបន់មួយចំនួនក្នុងភូមិសាស្ត្រ ស្រុកកំពង់ត្រាចកំពុងរងការជន់លិចលំនៅឋាន មានដូចជានៅតំបន់ជិតព្រែកកំពង់ត្រញូង ស្ថិតនៅក្នុង ឃុំកំពង់ត្រាចខាងលិច ស្រុកកំពង់ត្រាច។

អាជ្ញាធរមូលដ្ឋានបានឲ្យដឹងថា មកដល់ពេលនេះបានរងការជន់លិចនៅតំបន់មួយចំនួនដោយសារជំនន់ទឹកភ្លៀងបានកំពុងជន់លិចនៅឡើយបណ្តាលមកពីការស្ទះប្រឡាយនិងប្រពន្ធលូដោយសារសំរាម និងការចាក់ដីបិទផ្លូវទឹកមួយចំនួន។

ប៉ុន្តែបន្ទាប់ពីមានអន្តរាគមន៍ពីអាជ្ញាធរមូលដ្ឋានឃើញថា ស្ថានភាពការជន់លិចបានស្រកល្អប្រសើរឡើងវិញជាបណ្តើរៗហើយ។

ចំណែកនៅតាមបណ្តាលឃុំមួយចំនួនផ្សេងៗ ទៀតមិនទាន់ទទួលបានរបាយការណ៍នៅឡើយទេ។

ទោះជាយ៉ាងណាក៏ដោយការជន់លិចដោយជំនន់ទឹកភ្លៀងនេះ មិនបានធ្វើប៉ះពាល់ដល់ការរស់នៅ និងការធ្វើដំណើររបស់ប្រជាពលរដ្ឋនោះទេ ហើយមកដល់ ល្ងាចថ្ងៃទី ៣១ ខែកក្កដានេះ ស្ថានភាពនៃការជំនន់ទឹកភ្លៀងជនលិចនេះមានភាពល្អប្រសើរឡើងវិញហើយ។

បន្ទាប់ពីមានចំណាត់ការរបស់ លោក អូន ខន អភិបាលស្រុកកំពង់ត្រាចក៏ដូចជាអាជ្ញាធរមូលដ្ឋានសហការបានយ៉ាងល្អប្រសើរ ប៉ុន្តែនៅតំបន់មួយចំនួនទៀតនៅជន់លិចនៅឡើយដោយជំនន់ទឹកភ្លៀងខ្លាំង ខណៈដល់ពេលនេះផ្ទៃមេឃមានសភាពស្រឡះល្អប្រសើរឡើងវិញទឹកជំនន់ក៏ច្រកម្ដងបន្តិចម្ដងបន្តិចផងដែរ៕

ដោយ ៖ សឹង រ៉ាត់