ត្រីប្រាទម្ងន់រាប់សិបគីឡូងាប់អណ្ដែតក្នុងស្រះព្រៃធុដង្គវត្តអូររាំងឪមិនដឹងមូលហេតុ

ប្រជាពលរដ្ឋដែលធ្លាប់ស្គាល់បានទៅកម្សាន្តលំហែរអារម្មណ៍៍មើលត្រីបណ្តែតខ្លួននៅក្នុងបរិវេណស្រះត្រីព្រៃធុដង្គ វត្តអូររាំងឪបានបង្ហាញការភ្ញាក់ផ្អើលហើយសោកស្តាយជាខ្លាំងបន្ទាប់ពីដំណឹងថា មានត្រីប្រាទម្ងន់ចាប់ពី ៣ ទៅ ៦ គីឡូក្រាមរាប់តោននៅក្នុងស្រះងាប់គ្មានសល់។

បើតាមម្ចាស់គណនីហ្វេសប៊ុកឈ្មោះ អ៊ុ វណ្ណៈ បានធ្វើការចែករំលែកឲ្យដឹងថា ស្រះត្រីព្រៃធុដង្គវត្តអូររាំងឪដែលជាកន្លែងកម្សាន្ដធម្មជាតិក្នុងស្រុកអូរាំងឪកំពុងរងទុក្ខជាទម្ងន់ដោយមិនដឹងមូលហេតុ ខណៈត្រីប្រាទម្ងន់ចាប់ពី ៣ ទៅ៦គីឡូក្រាមរាប់តោន ក្នុងស្រះទឹកបានងាប់ទាំងអស់គ្មានសល់។

ប្រភពបានបន្តថា ក្រោយពីកើតរឿងបែបនេះព្រះសង្ឃកំពុងមុជទឹកស្រង់ត្រីយកចេញពីក្នុងស្រះខាងលើ។ ចំពោះមូលហេតុមិនទាន់ត្រូវបានប្រភពខាងលើបញ្ជាក់ថា ការដែលត្រីប្រាក្នុងស្រះងាប់អណ្តែតនេះបណ្តាលមកពីកត្តាអ្វីឡើយ។ខណ:មានការលើកជាមតិសង្ស័យថា ចំណីអាហារដែលហួសកាលកំណត់ក៏អាចបង្ករគ្រោះថ្នាក់។

សូមជម្រាបថា នៅអំឡុងឆ្នាំ ២០១៣-២០១៥ វត្តអូរាំងឪបានខិតខំប្រឹងប្រែងប្រែក្លាយខ្លួនជា រមណីយារាមរមណី​យោទ្យានមានសួនឧទ្យាននិងស្រះទឹកជាដើមក្នុងគោលបំណងឱ្យប្រជាទូទៅបានលំហែកាត់បន្ថយកង្វល់ក្នុងចិត្ត។

ចំណុចពិសេសមួយដែលទាំងក្មេ ងចាស់តែងកំសាន្តអារម្មណ៍មិនដែលភ្លេចនោះគឺការបាចចំណីត្រីក្នុងស្រះទឹកមានទំហំ៣០ម៉ែត្រ គុណ៥ ០ម៉ែត្រនិងមានត្រីតូចធំចំរុះជាច្រើនតែងងើបមកបង្ហាញខ្លួនញ៉ាំងអារម្មណ៍ទស្សនិកឱ្យធូរស្បើយ៕

អត្ថបទ៖ ចាន់រ៉ា