សន្តិសុខសង្គម
មន្ត្រី ក.ប.ប ចុះពិនិត្យស្ថានីយ-ដេប៉ូប្រេងឥន្ធនៈ ១៦ ទីតាំង រកឃើញ ៣ ទីតាំង បន្លំលីត្រ និងមិនអនុលោមភាពបរិមាណ
មន្ត្រីស៊ើបអង្កេត ក.ប.ប ចុះត្រួតពិនិត្យស្ថានីយ និងដេប៉ូប្រេងឥន្ធនៈ ១៦ ទីតាំង រកឃើញ ១ ទីតាំង បន្លំលីត្រប្រេងសាំង ប្រេងម៉ាស៊ូត និង ២ ទីតាំងទៀត ពុំមានអនុលោមភាពផ្នែកបរិមាណ នៅខេត្តចំនួន ៥។

កាលពីថ្ងៃទី ២ ខែសីហា ឆ្នាំ ២០២៣ នេះ ដោយសង្កេតឃើញមានភាពមិនប្រក្រតីលើដេប៉ូប្រេងឥន្ធនៈ ១ កន្លែង នៅតាមបណ្ដាញសង្គមហ្វេសប៊ុក លោកប្រធានសាខា ក.ប.ប ខេត្តកណ្ដាល បានដឹកនាំកម្លាំងមន្ត្រីជំនាញចុះទៅដល់ទីតាំងដេប៉ូប្រេងឥន្ធនៈ ១ កន្លែង ស្ថិតក្នុងភូមិព្រៃបាំង ឃុំស៊ីធរ ស្រុកខ្សាច់កណ្ដាល ដោយធ្វើការត្រួតពិនិត្យយ៉ាងហ្មត់ចត់តាមរយៈការប្រើប្រាស់ឧបករណ៍ត្រួតពិនិត្យប្រេងឥន្ធនៈ (Pumpwatch)។

ជាលទ្ធផល មន្ត្រីជំនាញ បានរកឃើញថា ដេប៉ូខាងលើមានលម្អៀងផ្នែកបរិមាណ (បន្លំលីត្រ) ទាំងប្រេងសាំងធម្មតា (លម្អៀង ៤.៨ ល/១០០ ល) និងប្រេងម៉ាស៊ូត (លម្អៀង ៣.១ ល/១០០ ល)។ ជាមួយនោះ មន្ត្រីជំនាញ ក៏បានអនុវត្តវិធានការតាមច្បាប់ ស្ដីពី កិច្ចការពារអ្នកប្រើប្រាស់ជាធរមាន និងបានឲ្យម្ចាស់ដេប៉ូខាងលើ ធ្វើកិច្ចសន្យាកែតម្រូវជាដាច់ខាត។

នៅថ្ងៃខែឆ្នាំដដែល ក្នុងភូមិសាស្ត្រខេត្តកំពង់ស្ពឺ កណ្ដាល កំពត ស្វាយរៀង និងខេត្តកំពង់ធំ មន្ត្រី ក.ប.ប បានបន្តត្រួតពិនិត្យអនុលោមភាពលើស្ថានីយ និងដេប៉ូប្រេងឥន្ធនៈ សរុបចំនួន ១៥ ទីតាំង ដោយរកឃើញមានដេប៉ូប្រេងឥន្ធនៈ ២ ទីតាំង ពុំមានអនុលោមភាពផ្នែកបរិមាណ និងបានទទួលរងនូវការពិន័យអន្តរការណ៍ពីមន្ត្រីជំនាញ ក៏ដូចជាធ្វើកិច្ចសន្យាកែតម្រូវផងដែរ។

ដោយឡែកភូមិសាស្ត្ររាជធានីភ្នំពេញ មន្ត្រីជំនាញ ចុះអង្កេត និងតាមដានតម្លៃប្រេងឥន្ធនៈនៅតាមស្ថានីយ និងដេប៉ូ បានចំនួន ៦ ទីតាំង ក្នុងខណ្ឌទួលគោក និងខណ្ឌមានជ័យ ដែលពុំមានស្ថានីយ និងដេប៉ូណា ដាក់លក់លើសតម្លៃកំណត់ដោយក្រសួងពាណិជ្ជកម្មនោះទេ៕
អត្ថបទ ៖ ពិសី














-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?