ករណីពលរដ្ឋពុលបាយមាន់ នៅស្រុកស្រីសន្ធរ ពេលនេះបានចេញទៅផ្ទះអស់ហេីយ

ករណីពលរដ្ឋពុលបាយមាន់ ដែលមកពីឃុំបារាយរណ៍បានមកសម្រាកព្យាបាលនៅមន្ទីរពេទ្យបង្អែកស្រីសន្ធរ ពេលនេះបានចេញទៅផ្ទះវិញហេីយ។

លោកវេជ្ជបណ្ឌិត ម៉ោ ប៊ុនឡេង ប្រធានមន្ទីរពេទ្យបង្អែកស្រីសន្ធរ បានបញ្ជាក់ប្រាប់ថា ករណីមានប្រជាពលរដ្ឋ មានជំងឺពុលបាយមាន់ ដែលមកពីឃុំបារាយរណ៍ សម្រាកព្យាបាលនៅមន្ទីរពេទ្យបង្អែកស្រីសន្ធរ កាលពីរសៀល ម៉ោង២ ថ្ងៃទី១០ ខែសីហា ឆ្នាំ២០២៣ សរុបមានចំនួន ១៧នាក់ ក្នុងនោះមានក្មេងអាយុក្រោម ១៥ ឆ្នាំ ចំនួន ១២ នាក់ (ស្រី៣នាក់) និងអាយុលើស ១៥ ឆ្នាំ ចំនួន៥នាក់ (ស្រី៣នាក់) មកដល់ថ្ងៃទី ១១ ខែសីហា ឆ្នាំ២០២៣ វេលាម៉ោង៨​៖៣០នាទី យប់ ស្ថានភាពអ្នកអ្នកជំងឺមានសភាពធូរស្រាលហើយបានអនុញ្ញាតឲ្យគាត់ចេញទៅផ្ទះចំនួន១៦នាក់ នៅសល់​១នាក់ ដោយគាត់មានជំងឺប្រចាំកាយស្រាប់ គឺជំងឺលើសសំពាធឈាម (AVC) ដូច្នេះហើយគ្រូពេទ្យតម្រូវឲ្យគាត់សម្រាកព្យាបាលបន្តទៀតសិន៕

អត្ថបទ៖ ឡេក ចាន់ពេជ្រ