សន្តិសុខសង្គម
អភិបាលស្រុកណែនាំម្ចាស់ទូកដត្រូវមានអាវពោងសុវត្ថិភាពសម្រាប់បង្ការគ្រោះថ្នាក់
លោកអភិបាលស្រុកសៀមបូកណែនាំម្ចាស់ទូកដធ្វើអាជីវកម្មចំនួន៥ និងប្រជាពលរដ្ឋដែលបើកបរទូកតាមដងទន្លេមេគង្គ ត្រូវមានអាវពោងសុវត្ថិភាព បង្ការនូវគ្រោះមហន្តរាយ ក្នុងរដូវវស្សាទឹកទន្លេឡើងធំ ពេលមានភ្លៀងព្យុះសូមកុំឆ្លងកាត់។
លោក សូង ហ៊ី អភិបាលស្រុកសៀមបូកបានបញ្ចាក់ថា៖ ម្ចាស់ទូកដនីមួយៗយើងសង្កេតឃើញថាមិនទាន់ដាក់អាវពោងឱ្យមានតាមទូកនៅឡើយទេ ចំណែកបងប្អូនប្រជាពលរដ្ឋខ្លះប្រើទូកតូចៗជិះច្រើនគ្នា ហើយដាក់សម្ភារ និងផលកសិកម្មបន្ថែមទៀត នេះជាការធ្វេសប្រហែស ព្រោះនៅរដូវវស្សាទឹកទន្លេមេគង្គហក់ឡើងខ្ពស់។
លោកបន្តថា៖ បញ្ហាប្រឈមនេះគណៈបញ្ជាការឯកភាពស្រុកបានបើកកិច្ចប្រជុំណែនាំដល់គ្រប់ លោកមេភូមិមេឃុំទូទាំងស្រុកឱ្យផ្សព្វផ្សាយបន្ថែមទៅម្ចាស់ទូកដ និងប្រជាពលរដ្ឋពេលបើកទូកឆ្លងទន្លេត្រូវមានអាវពោងការពារឲ្យប្រុងប្រយ័ត្នគ្រប់ពេលវេលាទាំងអស់ ក្នុងករណីមានខ្យល់មានភ្លៀង គឺយើងមិនចាំបាច់ឆ្លងទេ រង់ចាំឲ្យវាស្ងប់ស្ងាត់បានយើងធ្វើដំណើរបាន ទោះជាមានការប្រញាប់យ៉ាងណាក៏ដោយគឺត្រូវតែរង់ចាំយ៉ាងណាម៉េចដូចនៅកោះក្រូចយើងនេះ ដែលឆ្លងគាត់មកស្រែក្រសាំង គឺយើងនឹងណែនាំអាជ្ញាធរឃុំឱ្យម្ចាស់ដចម្លងឱ្យមានអាវ សុវត្ថិភាព សម្រាប់ទុកពាក់ពេល ដែលមានគ្រោះភ័យអីផ្សេងៗ។
លោក ទុំស៊ីន ម្ចាស់ដចម្លងកោះក្រូចបានទទួលយកការណែនាំនេះ ព្រោះធានាបានសុវត្ថិភាពទាំងអស់គ្នា ហើយទូកដចម្លងនេះពុំសូវមានភ្ញៀវឆ្លងកាត់ទេ តែទោះជាយ៉ាងណាលោកនិងអនុវត្តតាមការណែនាំ ព្រោះមានកសិករនាំបន្លែមកលក់នៅទីប្រជុំជនស្រែក្រសាំង និងសិស្សសាលាមករៀនខ្លះដែរ។
លោកអែនថន ប្រជាពលរដ្ឋនៅភូមិឃុំកោះសំពាយ បានលើកឡើងថា៖ ប្រជាពលរដ្ឋរស់នៅតាមដងទន្លេ សមនិងប្រើប្រាស់ទូកជាមធ្យោបាយទៅហើយ តែការប្រុងប្រយ័ត្នត្រូវតែមាន ជាពិសេសពេលមេឃមានស្ថានភាពងងិត បងប្អូនយើងមិនហ៊ានបើកទូកឆ្លងទេ។
សូមបញ្ជាក់ថា៖ កន្លងមកថ្មីៗនេះនៅស្រុកសៀមបូក មានប្រជាពលរដ្ឋ នៅឃុំកោះព្រះ ធ្លាប់ជួបឧបទ្ទហេតុលិចទូកបណ្តាលឱ្យស្លាប់ម្នាក់ និងសង្គ្រោះបានម្នាក់ ដោយសារហ៊ានបើកទូកឆ្លងកាត់ទន្លេនៅពេលមានភ្លៀងមានខ្យល់ ទើបនៅពេលទឹកឡើងធំនេះ អាជ្ញាធរស្រុកណែនាំបន្ថែមឱ្យលើកកម្ពស់ការប្រុងប្រយ័ត្នដើម្បីបញ្ចៀសនៅហានីភ័យផ្សេងៗដែលអាចកើតឡើងជាយថាហេតុ៕
អត្ថបទ៖ ងិនលីម
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ