សន្តិសុខសង្គម

ប្ដីប្រពន្ធមួយគូ ដែលគេលួចកាប់ប្រហារកាលពីប៉ុន្មានឆ្នាំមុន ក្នុងរោងចិញ្ចឹមទា ពេលនេះត្រូវខ្មាន់កាំភ្លើងបាញ់សម្លាប់ដល់ក្រោមផ្ទះ

បានផុស

២ years មុន

នៅ

ថ្ងៃសៅរ៍ ១២ សីហា ២០២៣

ដោយ

ប្ដីប្រពន្ធមួយគូ ដែលគេលួចកាប់ប្រហារកាលពីប៉ុន្មានឆ្នាំមុន ពេលនេះត្រូវបានខ្មាន់កាំភ្លើងមិនស្គាល់អត្តសញ្ញាណ បាញ់សម្លាប់ស្លាប់យ៉ាងអាណោចអាធ័ម នៅទីតាំងរោងចិញ្ចឹមទា ស្រុកខ្សាច់កណ្ដាល ខេត្តកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏រន្ធត់នេះ បានកើតឡើងនៅវេលាម៉ោង ៣ និង ៣០ នាទីទៀបភ្លឺ ថ្ងៃទី ១២ ខែសីហា ឆ្នាំ ២០២៣ ចំណុចក្រោមផ្ទះរបស់ជនរងគ្រោះ ដែលជាទីតាំងរោងចិញ្ចឹមទា ភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល។ ចំណែកឯជនរងគ្រោះដែលត្រូវខ្មាន់កាំភ្លើងបាញ់សម្លាប់នោះ គឺ ឈ្មោះ ម៉ុច ម៉ៅ ត្រូវជាប្ដី និងប្រពន្ធឈ្មោះ គល់ ហាន់។

លោក ម៉ែន សុខឃឿន អធិការស្រុកខ្សាច់កណ្ដាល បានបញ្ជាក់ឲ្យដឹងនៅព្រឹកថ្ងៃទី ១២ សីហា នេះថា «ពិតជាមានករណីឃាតកម្មបាញ់សម្លាប់ទាំងប្ដី និងប្រពន្ធ ប្រាកដមែន»។

លោកអធិការស្រុកខ្សាច់កណ្ដាល បន្តថា បច្ចុប្បន្ន កម្លាំងសមត្ថកិច្ច បាននិងកំពុងស្រាវជ្រាវលើករណីឃាតកម្មនេះ។

គួរបញ្ជាក់ថា កាលពីប៉ុន្មានឆ្នាំមុន ក្រុមគ្រួសារជនរងគ្រោះ ក៏ត្រូវបានគេកាប់សុសសាច់ទាំងយប់ ស្ទើរស្លាប់ នៅក្នុងទ្រង់ទា របស់ជនរងគ្រោះ ស្ថិតនៅភូមិ-ឃុំខាងលើ ដោយរហូតមកទល់ពេលនេះ ពុំទាន់រកមុខជនដៃដល់ឃើញនៅឡើយ ស្រាប់តែពេលនេះត្រូវខ្មាន់កាំភ្លើងមកបាញ់សម្លាប់ បណ្ដាលឲ្យស្លាប់ទាំង ២ នាក់តែម្ដង៕

អត្ថបទ ៖ ពិសី

Related Topics:បាញ់សម្លាប់