សន្តិសុខសង្គម

ឃាត់រថយន្ត ១ គ្រឿង ដឹកស៊ុតមាន់ ជាង ៥ ម៉ឺនគ្រាប់ នាំចូលពីវៀតណាម ដោយគ្មានលិខិតអនុញ្ញាត

បានផុស

១ year មុន

នៅ

ថ្ងៃពុធ ១៦ សីហា ២០២៣

ដោយ

ឃាត់រថយន្ត ១ គ្រឿង ដឹកស៊ុតមាន់ចំនួន ១៣០ កញ្ច្រែង ស្មើនឹង ៥២០០០ គ្រាប់ នាំចូលពីប្រទេសវៀតណាម មកលក់ចែកចាយនៅរាជធានីភ្នំពេញ ដោយគ្មានលិខិតអនុញ្ញាតអ្វីទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវេលាម៉ោង ១៣ និង ២៦ នាទី ថ្ងៃទី ១៦ ខែសីហា ឆ្នាំ ២០២៣ នេះ ក្រោមការបញ្ជាផ្ទាល់ពីលោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ បានឲ្យក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ សហការជាការិយាល័យផលិតកម្ម និងបសុព្យាបាលរាជធានីភ្នំពេញ ឃាត់រថយន្ត ១ គ្រឿង ម៉ាក KIA ជាប្រភេទរថយន្តដឹកទំនិញចំណុះ ១ តោន ស្លាកលេខភ្នំពេញ ២BO-0048 ពណ៌ស ដឹកស៊ុតមាន់ចំនួន ១៣០ កញ្ច្រែង ស្មើនឹង ៥២០០០គ្រាប់ ដោយនាំចូលមកពីប្រទេសវៀតណាម តាមច្រកម៉ឺនជ័យ ស្រុកពញាក្រែក ខេត្តត្បូងឃ្មុំ ឆ្ពោះមកលក់ចែកចាយក្នុងរាជធានីភ្នំពេញ ដោយគ្មានលិខិតអនុអញ្ញាតអ្វីទាំងអស់ (តាមការស្រាយបំភ្លឺរបស់ម្ចាស់ដឹកស៊ុតមាន់)។

កិច្ចប្រតិបត្តិការនេះ ក្រុមការងារអន្តរាគមន៍បង្ក្រាបបទល្មើសចលនាសត្វ បានឃាត់ចាប់រថយន្តល្មើស នៅលើផ្លូវជាតិលេខ ១ ភូមិព្រែកធំ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។