សន្តិសុខសង្គម

មាន់ជល់ ឡូតូ បាការ៉ាត់ និង ប៊ីយ៉ា កំពុងប្រមូលផ្តុំក្នុងទីតាំងតែមួយ

បានផុស

១ year មុន

នៅ

ថ្ងៃសៅរ៍ ២៦ សីហា ២០២៣

ដោយ

បាត់ដំបង ៖ ល្បែងបួនប្រភេទកំពុងប្រមូលផ្តុំគ្នាយ៉ាងសុខសាន្ត ក្រោមដំបូលតែមួយ ដោយមិនមានរំខានដល់នរណាម្នាក់ឡើយ បើទោះបីជាច្បាប់កំពុងរឹតបន្តឹងយ៉ាងណាក៏ដោយ។

រយៈពេលប៉ុន្មានខែកន្លងមកនេះ គេសង្កេតឃើញថា មានទីតាំងមួយកន្លែងដែលគេបានសាងសង់ឡើងជារបៀបឃ្លាំង ដែលមានទីតាំងស្ថិតនៅក្បែរសាលាភាសាអន្តរជាតិ សុវណ្ណភូមិ ក្នុងសង្កាត់ស្វាយប៉ោ ក្រុងបាត់ដំបង គឺតែងតែមានសម្លេងហ៊ោកញ្ជ្រៀវ ស្រែកកងរំពង ដោយគ្មានខ្វល់ពីអ្វីឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋដែលនៅក្បែរទីតាំងនោះបាននិយាយថា ចាប់តាំងពីថ្ងៃត្រង់ទៅ គឺរៀងរាល់ថ្ងៃ ពួកគាត់មិនដែលសម្រាកថ្ងៃបានឡើយ ដោយសារតែសម្លេងហ៊ោកញ្ជ្រៀវនេះ ហើយគេក៏មិនដឹងថា ទីតាំងនេះមានច្បាប់មកពីឋានណាដែរ បានជាគ្មានខ្លាចអ្វីបន្តិចទាល់តែសោះ។

ប្រភពដដែលបានបន្តថា រាល់ថ្ងៃគឺនៅខាងមុខមានម៉ូតូមកចតត្រៀបត្រា ដោយមានពេលខ្លះមានទាំងរថយន្តទំនើបៗថែមទៀតផង ដោយពួកគេបានចូលទៅកម្សាន្តអារម្មណ៍តាមរយៈល្បែងភ្នាល់ដែលក្នុងនោះមានដូចជា បៀបាការ៉ាត់ ឡូតូ ប៊ីយ៉ា និងមាន់ជល់ ដែលគេចាក់ភ្នាក់ស៊ីសងភ្លាមៗតែម្តង រីឯសម្រែកវិញ គេគ្មានខ្លាចសមត្ថកិច្ចបន្តិចសោះឡើយ គឺគេស្រែកដេញថ្លៃគ្នាយ៉ាងកងរំពង។

ជុំវិញបញ្ហានេះដែរ ប្រជាពលរដ្ឋបានសំណូមពរដល់សមត្ថកិច្ចមូលដ្ឋាន ក៏ដូចជាកម្លាំងនគរបាលព្រហ្មទណ្ឌកម្រិតស្រាល មេត្តាពិនិត្យនិងចាត់វិធានការតាមផ្លូវច្បាប់ផង ដើម្បីជៀសវាងការប្រព្រឹត្តល្បែងស៊ីសងបែបអនាធិបតេយ្យកណ្តាលក្រុងបែបនេះ៕

អត្ថបទ ៖ សោ និយមរ័ត្ន