Connect with us

សន្តិសុខសង្គម

ក្មេង​ទំនើង​២​ក្រុម ដេញ​វាយ និង​គប់​គ្នា កណ្តាល​ក្រុង​សិរីសោភ័ណ បង្ក​ការ​ភ្ញាក់ផ្អើល (វិដេអូ)

បានផុស

នៅ

បន្ទាយមានជ័យ ៖ ឈុត​ឆាក​វាយ គប់​គ្នា​ពី​សំណាក់​ក្មេង​ទំនើង​២​ក្រុម ផ្អើល​ប្រជាពលរដ្ឋ កណ្តាល​ក្រុង​សិរីសោភ័ណ ខេត្តបន្ទាយមានជ័យ ស្រែក​ឆោឡោ​ឲ្យ​សមត្ថកិច្ច​ជួយ​អន្តរាគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍​នេះ កើតឡើង​កាលពី​វេលា​ម៉ោង​៤ និង​២០​នាទី ល្ងាច​ថ្ងៃ​ទី​៣១ ខែសីហា ឆ្នាំ​២០២៣ នៅ​ចំណុច​ខាងលិច​ចម្ងាយ​ប្រហែលជា​២០០​ម៉ែត្រ ពី​ទីបញ្ជាការ​កងរាជអាវុធហត្ថ​ខេត្តបន្ទាយមានជ័យ ស្ថិត​ក្នុង​ភូមិ​ការដ្ឋាន សង្កាត់​អូរ​អំបិល ក្រុង​សិរីសោភ័ណ ខេត្តបន្ទាយមានជ័យ។

យោង​តាម​ប្រភព​ពី​ប្រជាពលរដ្ឋ​ក្បែរ​កន្លែងកើតហេតុ បាន​ឲ្យ​ដឹងថា សុខៗ មាន​ក្មេង​ទំនើង​២​ក្រុម បាន​ជិះ​ម៉ូតូ​ជា​ច្រើន​គ្រឿន និង​មាន​គ្នា​ប្រមាណ​ជា​១០​នាក់ បាន​ធ្វើ​សកម្មភាព​ដេញ​វាយ និង​គប់​គ្នា យ៉ាង​អានាធិបតេយ្យ ដោយ​ប្រើ​ដុំថ្ម និង​មួក​សុវត្ថិភាព បង្ក​ការ​ភ្ញាក់ផ្អើល និង​ការភ័យខ្លាច​ដល់​ពួកគាត់ ។ ក្រោយ​ពួកគាត់​ស្រែក​ឆោឡោ ឲ្យ​សមត្ថកិច្ច​អន្តរា​គម ទើប​ក្រុម​ក្មេង​ទំនើង​ទាំងនោះ​ជិះ​ម៉ូតូ និង​រត់គេចខ្លួន​អស់​បន្សល់ទុក​ម៉ូតូ​១​គ្រឿង នៅ​កន្លែងកើតហេតុ។

ករណី​នេះ សមត្ថកិច្ច​បាន​កំណត់​មុខសញ្ញា​បាន​ហើយ ដោយ​មួយ​ក្រុម​មានឈ្មោះ​ថា ក្រុម​ការ៉េម​កី ដែល​តែង​ធ្វើ​សកម្មភាព​ដេញ​វាយ​គ្នា​បង្ក​ភាព​អានាធិបតេយ្យ និង​មួយ​ក្រុម​ទៀត ជា​ក្រុម​ក្មេង​រស់​នៅ​ក្នុង​សង្កាត់​អូរ​អំបិល ហើយ​សមត្ថកិច្ច​កំពុង​តាម​ប្រមាញ់ ចាប់​ក្រុម​ក្មេង​ទំនើង​ទាំងនោះ យក​មក​អនុវត្តន៍​តា​ម​ផ្លូវច្បាប់៕

ដោយ ៖ អ​ពៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៨ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ១៦ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៨ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ១៨ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម