សន្តិសុខសង្គម
អាជ្ញាធរក្រុងប៉ោយប៉ែតបន្តចុះរុះរើសំណង់រំលោភចំណីផ្លូវជុំវិញផ្សារអគ្គទៅផ្លូវដើមពុទ្រា
អាជ្ញាធរក្រុងប៉ោយប៉ែតបន្តអនុវត្តចុះរុះរើសំណង់គ្រប់បែបយ៉ាងដែលសង់រំលោភលើចំណីផ្លូវជុំវិញផ្សារអគ្គឆ្ពោះទៅផ្លូវដើមពុទ្រាបន្ទាប់ពីអនុវត្តដំបូងតាមសងខាងផ្លូវជាតិលេខ៥ចាប់ពីរង្វង់មូលមាត់ច្រកអន្តរជាតិប៉ោយប៉ែតទៅភ្លើងស្តុបផ្សារកណ្តាលបានដោយជោគជ័យដោយពលរដ្ឋបានរុះរើ និងក្រុមការងារបានរុះរើដោយពុំមានការជំទាស់ពីពលរដ្ឋឡើយ។

លោក គាត ហ៊ុល អភិបាលក្រុងប៉ោយប៉ែតបានអោយដឹងថា នៅព្រឹកថ្ងៃទី ៤ ខែសីហា២០២៣ នេះក្រុមការងារចម្រុះរួមមានកមកលាំងអធិការក្រុង អាវុធហត្ថក្រុង រដ្ឋបាលសង្កាត់ប៉ោយប៉ែត សង្កាត់អូរជ្រៅ កម្លាំងបញ្ជាការពារបានបែងចែកជាក្រុមបានបន្តចុះរុះរើរៀបចំសណ្តាប់ធ្នាប់នៅចំណុចជុំវិញផ្សារអគ្គផ្សារត្រី។
ជាមួយគ្នានោះនៅទីតាំងផ្សេងទៀតដែលក្រុមការងារបានចុះបាញ់ថ្នាំកំណត់រួចហើយ សូមបងប្អូនមេត្តារុះរើតាមគំនូសដែលក្រុមការងារបាញ់ថ្នាំជូនទាំងអស់គ្នា។
លោកបន្តទៀតថា យុទ្ធនាការចុះរុះរើនេះធ្វើឡើងបន្ទាប់ពីការជូនដំណឹងរបស់រដ្ឋបាលក្រុងប៉ោយប៉ែតដល់ពលរដ្ឋដែលមានសំណងរំលោភបំពាន់ចំណីផ្លូវទូទាំងក្រុងអោយរុះរើដោយខ្លួនឯងដើម្បីធានាបាននូវសណ្ដាប់ធ្នាប់ សោភ័ណភាព រ បៀបរៀបរយសាធារណៈ និងការធ្វើចរាចរណ៍ឲ្យបានកាន់តែល្អប្រសើរឲ្យសាកសមជាឈ្មោះទីក្រុង និងជាក្រុងនៃមុខមាត់ប្រទេសដែលមានភ្ញៀវជាតិអន្តរជាតិចេញចូល។

ក្រោយការជូនដំណឹងរហូតផុតការកំណត់នៅតែមានពលរដ្ឋ អាជីវករ ក្រុមហ៊ុនមិនព្រមអនុវត្តតាម ទើបក្រុងបង្កើតគណកម្មាការក្រុងដោយមានការសម្របសម្រួលពីតំណាងអយ្យការណ៍អមសាលាដំបងខេត្តចុះអនុវត្តជាបន្តបន្ទាប់។
ផ្ដើមចេញពីការចូលរួមរបស់បងប្អូនប្រជាពលរដ្ឋទាំងអស់គ្នា បន្ទាប់ពីអនុវត្តតាមការណែនាំរបស់រដ្ឋបាលក្រុងក៏ដូច អាជ្ញាធរមូលដ្ឋានកាត់រុះរើ ហើយនោះមិនអនុញ្ញាតឱ្យយកដូចជា តុ កៅ អី ឬរទេះលក់ដូរ និងទំនិញផ្សេងៗយកមក ដាក់ទៀតឡើយ បើពុំដូច្នោះទេអាជ្ញាធរ នឹងប្រមូលយកទៅរក្សាទុក ដោយមិនយោគយល់ឡើយ។
ដោយមើលឃើញពីគោលកាណ៍ និងការអនុវត្តយ៉ាងច្បាស់លាស់ស្មើភាពគ្នាដោយ «ថា គឺធ្វើ » របស់រដ្ឋបាលក្រុង ក្រោមការដឹកនាំរបស់លោក គាត ហ៊ុល អភិបាលក្រុងប៉ោយប៉ែត ប្រជាពលរដ្ឋបានសម្ដែងការសាទរ និងចូលរួមសហការក្នុងការកាត់រុះ រើដោយស្ម័គ្រចិត្តយ៉ាងផុសផុលផងដែរ៕

អត្ថបទ៖ អេម ពៅ

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់