សន្តិសុខសង្គម

Update! ស្គាល់អត្តសញ្ញាណយោធាពាក់ផ្កាយ៣ ដែលខ្យល់គរស្លាប់ ខណៈកំពុងបើករថយន្តហើយ

បានផុស

១ year មុន

នៅ

ថ្ងៃពុធ ៦ កញ្ញា ២០២៣

ដោយ

ភ្នំពេញ ៖ ឧត្តមសេនីយ៍ឯកយោធាពាក់ផ្កាយ៣ម្នាក់ ដែលខណៈពេលកំពុងបើករថយន្តសុខៗក៏បានឈប់រថយន្តនៅចិញ្ចើមផ្លូវអង្គុយស្លាប់ក្នុងរថយន្តនោះ ត្រូវបានគេស្គាល់អត្តសញ្ញាណហើយឈ្មោះ សាំង អូន ភេទប្រុស អាយុ៦៤ឆ្នាំ ជាយោធាឋានៈឧត្តមសេនីយ៍ឯក ពាក់ផ្កាយ៣ ស្នាក់នៅផ្ទះលេខសេ២៦ ផ្លូវបេតុង ភូមិខ១ សង្កាត់ច្រាំងចំរះទី១ ខណ្ឌឫស្សីកែវ បើករថយន្តរថយន្តម៉ាកRAV4 ពណ៌ស្ករ ពាក់ស្លាកលេខភ្នំពេញ2X-3545។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឱ្យដឹងថា មុនពេលកើតហេតុគេបានឃើញជនរងគ្រោះ បើករថយន្តធ្វើដំណើរតាមបណ្តោយផ្លូវចោមចៅក្នុងទិសដៅពីលិចទៅកើតខណៈមកដល់ចំណុចកើតហេតុសង្ស័យមិនស្រួលខ្លួនក៏អែបរថយន្តឈប់នៅខាងមុខមន្ទីរពេទ្យឯករាជ្យ ហើយក៏អង្គុយស្លាប់ក្នុងរថយន្ត។

ក្រោយកើតហេតុ សមត្ថកិច្ចជំនាញបានពិនិត្យធ្វើកោសល្យវិច័យបញ្ជាក់ថា ជនរងគ្រោះស្លាប់ដោយសារគាំងបេះដូង រួចប្រគល់សពទៅក្រុមគ្រួសារដឹកយកទៅធ្វើបុណ្យនៅវត្តអង្គតាមិញតាមប្រពៃណី៕

ដោយ ៖ សុខា